眾名伶傾力演出獲好評 賀粵劇擊樂大師高潤權入行50年金禧紀念

2024年係粵劇擊樂大師高潤權入行50年金禧紀念，為咗把粵劇古老戲表演藝術傳承下去，高潤權决定邀請阮兆輝、李龍、尹飛燕擔任藝術總監，於4月6及7日假西九戲曲中心大劇院演出，節目包括排場戲《玉皇登殿》、《天姬送子》、篇劇《三帥困崤山》；夜場則演出《六國大封相》、折子戲《黛玉歸天》、《八大錘》、《蓋世雙雄霸楚城之營房》；4月7日則演出《觀音得道》、《香花山大賀壽》之重頭戲「觀音十八變」。

粵劇擊樂大師高潤權入行50年金禧紀念之《高潤權鼓板五十年》三場演出圓滿成功。

《高潤權鼓板五十年》三場演出順利完成，權哥坦言感受良多：「今次有擔心。有放心，有開心，也有過灰心，乜心都有，但係結果非常OK，做完好開心，令我喜出望外，10個觀眾有9個觀眾都話好好睇，未睇過咁好嘅，原來封相係咁㗎？我們想執翻正傳統戲，估不到大獲好評，一班年青人，加埋輝哥等前輩，個個不執着，眾志成城去做這件事，個開心處就在此。我希望盡量把爸爸教我的知識，教回給年青一代。」

尹飛燕與廖國森合演推車功架。南鳳支持權哥而演出，大耍功架。

粵劇擊樂大師高潤權入行50年金禧紀念，完成心願感到開心。

李龍演繹功架十足。梁非同在《香花山大賀壽》之重頭戲演出「觀音十八變」。

今次權哥安排好多新人參加演出，大讚三位總監盡心傳授，年青演員吳立熙、黃成彬，陳紀婷做得好好，女演員關凱珊甚至肯掛鬚，毫不計較，權哥又讚梁非同有潛質，權哥開心今次演出，令佢感受到友情滿滿，真正感受到自己喺行內得到尊重和支持。權哥一向尊重前輩，又錫年青新秀：「佢哋問到我嘅嘢，除非唔識，我識一定會全部教佢哋。好少收埋，佢哋都比較尊重我。」
高潤權（中）與兩位兒子永俊（左一）與永熙（右一）上陣不離父子兵。