俞明叔設靈丨蔡和平丁羽現身靈堂弔唁 鄭少秋江華致送花圈以表哀思

資深演員俞明喺2月4號離世，享壽100歲，今日家人為俞明叔設靈，以佛教儀式舉行。俞明叔從黑白粵語片年代，到70至90年代嘅電視圈，一直活躍於演藝界，跟不少圈中人合作過，1998年先正式退休，加上俞明叔樂觀開朗嘅性格，於圈中人緣甚廣，唔少好友及後輩現身靈堂弔唁，包括蔡和平夫婦、丁羽等。

俞明叔上月離世享壽一百歲，家人為佢以佛教儀式治喪
而黎瑞恩、阮兆輝夫婦、關寶慧、江華夫婦及鄭少秋夫婦等有送上花圈表達哀思，俞明叔女兒Heidi接受訪問時，透露爸爸喺家人陪伴下，在睡夢中安詳離世，指俞明叔未有心願未了。
俞明叔千金接受訪問時，指亡父睡夢中安詳離世

Heidi稱俞明叔一向身體健康，90歲先有少少血壓高同驗出膽固醇，直至初二朝早，俞明叔發燒同咳，家人叫救護車將俞明叔送入醫院，後嚟院方通知家人，指俞明叔維生素降低，叫家屬前嚟醫院，而醫生告知俞明叔喺睡夢中離世，家人亦全程陪伴在側。