早D知早D醫丨鄧達智重提當年患大腸癌經歷 中風康復者分享徘徊生死邊緣感受

全新健康資訊節目《早D知早D醫》，將會羅列出唔同嘅健康風險與資訊，等大家可以及早知道自己身體出現嘅疾病危機，趁早就醫遠離疾病。《早D知》每集會以個案形式，由四位主持人洪永城、宋宛穎、何沛珈及魏韵芝，同唔同康復者、照顧者分享患病及照顧病人嘅心路歷程，當中包括林淑敏、張達明、鄧達智、陳欣健。張達明林淑敏鄧達智陳欣健
首集將會同大家探討中風疾病，當中仲邀來咗兩名素人康復者嚟分享患病經歷同感受。其中一名中風康復者吳凱琪，自細就已經係一名運動健將，但佢喺28歲時患上急性腦中風，接受過數次開腦手術，喺深切治療部（ICU）經歷生死邊緣，曾經被診斷為永久傷殘。不過凱琪冇因為咁而自暴自棄，反而努力重新鍛鍊肢體，而家佢就同普通人一樣活動自如，喺節目入面仲同洪永城一齊跑步、打籃球同投擲飛鏢。凱琪喺運動方面獲得唔少獎項，目前唔只係一名飛鏢教練，佢仲修讀緊運動心理學，希望助己助人。中風康復者吳凱琪。凱琪同Tony一齊做唔同運動。到底係咩令Tony咁痛苦？

至於23號播出嘅第二集，就邀咗時裝設計師鄧達智William 擔任康復者嘉賓，分享十年前患上大腸癌嘅經歷，佢話自己當時體重突然下降、出現便秘問題，亦因為身體響起嘅警號，令佢及早求醫。William續透露治療過程，透過接受手術將腫瘤移除，同時必須確保附近冇癌細胞殘留；而喺復康過程，佢經常飲用家傳燉豬肉汁，甚至海參、冬蟲夏草等名貴食材，有效補充體力、調養身子。
節目會請嚟中西醫生及相關專業人士講解疾病資訊、治療方法等。
《早D知早D醫》4月22號起 逢星期一至三 22:30 翡翠台
鄧達智烹調佢家傳嘅燉豬肉汁。鄧達智烹調佢家傳嘅燉豬肉汁。