許家傑率明星籃球隊打表演賽 羅天宇獲封外號「微笑三分手」

羅天宇同許家傑（送水輝）一向熱愛打籃球，噚日佢哋以Hero籃球隊成員身分參加一個三人籃球表演賽，許家傑同羅天宇默契十足，傳送交波都好熟練，保持到水準。

羅天宇同許家傑噚日以Hero籃球隊成員身分參加一個三人籃球表演賽。
許家傑透露Hero集合咗多位一直熱衷於籃球運動嘅藝人，而隊友的確係較以往少咗練波，皆因大家報名參加多個運動活動，許家傑與洪永城就報咗馬拉松街馬及其他多個跑步賽，正開始練跑，而HERO一班兄弟都有共識，只要仍然行得走得都會繼續做。

許家傑取笑羅天宇有個綽號叫「微笑三分手」，打三分波最叻，笑笑口就入波。
羅天宇細個已想打籃球，可惜一直冇機會，因為屋企人覺得放學就要馬上回家，所以直至大學，二十幾歲先參加學校籃球隊，許家傑讚天宇開始得遲，但真係好厲害，佢取笑羅天宇有個綽號叫「微笑三分手」，打三分波最叻，笑笑口就入波，果然今日羅天宇就入了三分波 !

許家傑同羅天宇默契十足，傳送交波都好熟練，保持到水準。
許家傑就同阿哥一齊打籃球，一到夜晚就同阿哥出街，當年小朋友係唔淮去夜街，打波就成為去夜街嘅最好藉口，而兩兄弟都鍾意打波，從小就感情好，所以佢覺得打籃球係一項好嘅運動。