由梁思浩、黃紫恩(Jojo)及黃耀英主持主持《直播靈接觸》開播以來話題不斷,6號播出嘅一集搵來六壬師傅陳法齊及占卜師羅泳嫻(裸泳)擔任嘉賓,並示範中西方現場通靈。陳法齊師傅請來碟仙並由Jojo、黑無常湯之欣等為Phone in家庭觀眾解答問題,觀眾鄭小姐表示剛為父親舉辦完葬禮,她分別詢問碟仙亡父係咪滿意葬禮、仲有咩心願未完成等。從答案中估計鄭父最放唔低係未婚嘅兒子。昨晚請來陳法齊師傅及占卜師裸泳擔任嘉賓。
事後有份參與請碟仙嘅Jojo直言:「最大係feel到碟仙個盤好似裝咗部風機咁特別涼,推碟隻手仲特別凍、凍過冰。」更笑言請碟仙中文要有一定程度,否則很難連繫到想表達嘅意思。梁思浩跟一班主持及師傅在節目直播前圍讀。
接住占卜師裸泳以水晶球通靈,最後請到靈體到場仲開始問身份,透過兩位助手Jojo同湯之欣接收靈體嘅回覆,當中以Jojo的反應最明顯,疑似請到藝人靈體「作客」。Phone In 觀眾想師傅為他解開報夢中六合彩之謎。
另外,Phone In環節有觀眾詢問多次發夢到六合彩號碼,因為搞錯「81」嘅含意,最終只能中三獎,該觀眾想知道經常夢到六合彩號碼原因。占卜師裸泳以塔羅占卜後表示呢位觀眾前世俾人呃咗好多錢:「對方因為欠投唔到胎,分幾次報夢,要還夠先走得。」 經常中六合彩嘅思浩亦溫馨提示話︰「夢到要記住,買多幾期啦,中咗記住通知我哋。」Jojo 與湯之欣大談請碟仙後的感受。
《直播靈接觸》逢周一晚9點半及周二晚9點35分於TVB Plus播出