健康資訊節目《身體最誠實》,昨晚(12日)最後一集,節目邀來「腫瘤學巨人」莫樹錦醫生聯同3位女神李佳芯(Ali)、何沛珈及梁超怡擔任主持。
最後一集主題是精神病。在「Ali Says」中,Ali重提2017年生卵巢腫瘤一事,她說:「有一晚收工返屋企瞓覺,瞓到半夜突然間腹部好痛,嗰種痛係扭住撕裂嗰種痛,我係從來都未試過咁,幾日之後去做身體檢查,醫生發現我個卵巢有個13cm乘7cm大嘅腫瘤。」Ali指其實當時身體早已發生異樣,只是因自己工作太忙未有為意,她說:「嗰時之前我摸住肚時,都feel到凸起咗,但因為工作忙,以為自己只係有小肚腩,就忽略咗冇留意。好彩個腫瘤係良性,醫生都即刻幫我排期做手術。」
Ali續指做完手術後頭一個星期連起床都有困難:「因為傷口有啲血水去未清,每次起身都要撳住啲嘢先起到床,所以我啲肌肉同筋骨都會痛。」Ali坦言經歷事件後深有體會:「原來曾經以為離自己好遠嘅事,霎眼間就會出現,所以我不斷提醒自己,要照顧好身體,咁先可以好好享受生活。」
何沛珈和梁超怡則向註冊物理治療師請教坐骨神經痛問題,二人做小測試時更忍不住嗌痛。莫樹錦今集邀來香港中文大學醫學院精神科學系系主任榮潤國教授、探討抑鬱症和思覺失調問題;節目尾聲,莫樹錦醫生親揭相隔十年再做健康節目主持原因。
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)