網上瘋傳「暗黑料理」明將壽司堅結業？「紅豆軍艦」成絕響無得打大佬！

深水埗以「暗黑料理」自居的明將壽司，開業以來一向以形形式式的騎呢壽司，反而殺出一條血路，成為九十年代的集體回憶。明將壽司的紅豆軍艦、菠蘿軍艦、粟米軍艦、牛肚壽司等搞笑壽司雖然好平，不過其獨特「創意」，更被一代人形容為打大佬級別！明將壽司多年來屢次傳出結業消息，近年，已經轉型成廉價放題「韓日燒」的明將旗艦店，有網民發現「韓日燒」貼出「結束營業、謝謝大家」告示，莫非明將是「真．結業」？

雖然，明將壽司的創意壽司，有許多人都不敢恭維。不過話晒都昰一代人的集體回憶，現只餘下深水埗西九龍中心的明將旗艦店轉型版「韓日燒」，仍然靠放題生意頂住業務。對於有網民指韓日燒可能結業也大感可惜，紛紛留言感嘆：「希望可以再食一次招牌紅豆軍艦」、「沒辦法，始終捱不住」、「執咗覺得好可惜」、「轉做明將3.0咋？」、「開返明將，做88蚊任食，應該會幾好玩」。

看來，大家都好唔捨得呀！不過，有網民更新，店舖再次貼出「今日裝修，停業一天」等標語，未知業務是否有變了。

圖片來源：網上圖片