聖誕好去處2024🎅🏻 Dior閃閃聖誕樹🎄Pixar角色瘋狂打卡位📸

2024 聖誕好去處，每年到呢個時候，大家總會煩惱帶另一半去邊度？今次小編幫大家搜羅全港，搵到今年最正嘅3大聖誕燈飾，大家必去嘅打卡位，絕對係IGable。

Christian Dior金碧輝煌聖誕馬車

今年尖沙咀K11 Musea繼續同Christian Dior合作，為海傍空間打造貴氣十足嘅聖誕裝飾，以巴黎凡爾賽宮為概念，擺放咗一台金碧輝煌嘅Dior馬車，打造Dior嘅聖誕夢幻舞會。如果大家想進入擺設範圍內影相，同以往一樣有人流限制，所以大家最好預先預約Book定時間。另外，K11推出聖誕市集2024 Chrismas Village，分別喺6樓嘅室內及室外空間打造展覽及市集，記得上埋去行吓！

Dior聖誕夢幻舞會期間限定店

日期: 2024年11月23日 - 2025年1月2日
時間: 10:00 - 22:00
預約：https://bit.ly/4g7W2jc

ELEMENTS華麗旋轉木馬＋星光摩天輪

ELEMENTS圓方今年打造「DELIGHT-GO-ROUND」聖誕遊樂園，以迷人嘅摩天輪、戀人共賞嘅旋轉木馬、背住氣球嘅聖誕鹿為題，當然唔少的最重要嘅聖誕樹，將最璀璨悅目聖誕燈飾帶入商場之中。金區中庭內設有「TAKE A CHRISTChiMAS SNAP」照相館，可以跟朋友攝下聖誕最開心一刻。另外，遊樂園內仲有紀念幣壓印機，紀念幣共有4款精美聖誕圖案，值得收藏。

除咗影相打卡，ELEMENTS亦準備咗聖誕嘉年華匯演，於11月30日、12月7、14、21、24至26日指定時間，多位舞蹈員將會盛裝打扮作舞蹈表演，配合華麗遊樂園場景，為大家送上聖誕佳節歡樂，無論是大人或小朋友都會感到滿心歡喜。

Pixar總動員：怪獸公司、玩轉腦朋友、反斗奇兵、熊抱青春記遍佈新地商場

今個聖誕，新地旗下6個商場包括上水廣場、北角匯、將軍澳中心、PopWalk 天晉滙、卓爾廣場、life@KCC，同Pixar合作推出「Pixar Sweet Dreams 聖誕甜夢之旅」，將多套人氣動畫《怪獸公司》、《反斗奇兵》、《玩轉腦朋友》及《熊抱青春記》嘅角色帶俾大家。

1.北角匯 - 「甜蜜棉花糖派對」

Pixar Sweet Dreams 系列角色喺呢度總動員登場，除咗喺室外空間可以見到阿樂與阿愁化身可愛 “棉花糖”，喺「棉花糖美食車」擺滿迷你版棉花糖造型嘅阿樂、阿愁、勞蘇、獨角獸、大眼仔、毛毛、Bunny 及 Ducky，可愛度爆燈。

北角匯「甜蜜棉花糖派對」

2.Popwalk天晉滙 - 「玩轉腦朋友」 視覺體驗

「玩轉腦朋友」 喺Popwalk天晉滙嘅佈置非常色彩繽紛，場內設有「樂悠哈哈鏡」，可以同阿樂擺出不同可愛甫士，每個角度都可反射可愛身形及表情，同Friend一齊玩一流。阿樂仲有一個「自我意識」區域，根據心情起伏變化按掣轉色，你係咩心情一㩒個Friend就睇到。當然仲有好多好可愛嘅阿愁同大家影相啦！

PopWalk天晉滙「玩轉腦朋友」

即使對住「玩轉腦朋友」嘅阿愁，你總會想笑！

3.上水廣場 - 2米高「巨型士多啤梨香味勞蘇」

聞到清新嘅士多啤梨香味，就知道勞蘇喺附近。今個聖誕上水廣場設置一個夢幻糖果世界，擺放2 米高「巨型勞蘇」，散發住濃濃嘅士多啤梨香味，超得意！同場大家可以到「迪士尼•彼思期間限定店」，有超過 300 款迪士尼•彼思限量精品，包括毛公仔、生活用品、文具套裝、手提袋等，當中更特別為勞蘇推出手提袋、勞蘇拍拍小夜燈、勞蘇公仔、以及勞蘇軟墊等產品，非常可愛。
上水廣場「勞蘇」香氣小鎮，感受嗅覺體驗

4.卓爾廣場 - 「小熊貓」抱抱巨形毛毛尾巴

想感受聖誕嘅暖意，抱住「小熊貓」嘅毛毛尾巴會唔會最開心？喜歡「小熊貓」嘅朋友，喺卓爾廣場可以見到2米高嘅「毛茸茸小熊貓月亮裝置」，以及2.5 米高嘅「巨形毛毛尾巴」，大家可以好似個小朋友咁，抱住佢條尾！同場仲有遊戲，挑戰「小熊貓井字過三關」，只要將小熊貓圖案連成一線便為之勝出。

卓爾廣場「小熊貓」『摸』法世界

5.將軍澳中心 - 2 米高毛毛伴隨「彩虹打卡滑梯」

鍾意「怪獸公司」嘅毛毛同大眼仔嘅朋友，就要去到將軍澳中心嘅聲夢館，同毛毛鬥笑聲！只要輕觸「WOW 毛毛哈哈牆」的星星，毛毛就會發出「哈哈」笑聲，佢笑時你又笑，真係聖誕無限歡樂。同樣，喺將軍澳中心都有Pop-up Store，包括有全新 Pixar Sweet Dreams 系列生活精品，如小夜燈、午餐袋、盲盒。當中特別推薦 《怪獸公司》毛毛抱枕、毛毛聖誕襪、阿 Boo 相機，仲有《玩轉腦朋友》聖誕倒數月曆、新角色阿尷手機掛繩， 以及《熊抱青春記》(Turning Red) 購物袋、毛毛筆添！

將軍澳中心「怪獸公司」聲夢館感受聽覺體驗