深圳勁排隊🔥重慶老火鍋廠 勁有排場 36 道蓋碗菜😋｜現製紅油🍲蛋炒飯🍳重慶街頭小吃

深圳飲食業很暢旺，幾乎每星期都有新店開，開完不久又成為市內的人龍排店，而最近深圳最火紅的是一間叫北步園的重慶老火鍋店，唔排返 1、2 小時都無機會入座。

這間來自重慶的火鍋店概念幾新，主打「街頭市井煙火氣」概念，即是將重慶的小食街一次過搬入火鍋店，吃火鍋之餘，食客更可以在店內多個現製重慶小食「攤檔」點選特色小食，如現椿紫薯、川式三角耙、土匪鍋巴等，小食檔炒熱火鍋店氣氛，連紅油都係即席在客人面前煉製。

另外，還有必叫勁有派頭的「36 道蓋碗菜」，好玩好打卡但人均只是  ¥100，難怪晚晚排到喪都一樣有大把人排。

圖片來源：是小千哦小紅書

圖片來源：檸檬茶🍋小紅書

等位的人龍好誇張（圖片來源：消失了小紅書）

火鍋店在羅湖萬象城附近，三層高，品牌來自重慶的火鍋店，連四川人都大推，概念真的無得輸，以 80 年代工廠風格裝修，平民得來有個性。

圖片來源：神探俊豆豆小紅書

圖片來源：檸檬茶🍋小紅書

圖片來源：消失了小紅書

識嘢嘅一定㨂坐餐廳的門前寶地，設計成四川農村，更放置了不少「市井煙火」現製小食攤，將整條重慶小食街搬入舖，確實幾好玩。露天吃重慶老火鍋，仲有草帽及扇畀你扮重慶農戶，氛圍贏晒。

圖片來源：是小千哦小紅書

圖片來源：神探俊豆豆小紅書

現製重慶小食土匪鍋巴（ 圖片來源：消失了小紅書）

現製三角耙（圖片來源：是小千哦小紅書）

即炒蛋炒飯（圖片來源：消失了）

之前，國內爆出「麻辣燙塌房」事件，來這裏重慶老火鍋擔心就少了點，因為這兒的紅油有小攤即製，師傅以大量辣椒及四川香料煉油，紅油唔單止食落鮮香，睇住師傅煉油，就唔怕食咗化學雜質落肚啦。吃辣能力有限的朋友，這裏的重慶老火鍋已就了南方人調低底線，煉紅油師傅大大個版子寫著「微辣是重慶人底線」，來打邊爐最好有心理準備。

圖片來源：神探俊豆豆小紅書

火鍋湯底有三款，包括紅湯、雞湯及番茄湯，唔食得辣嘅都有湯底啱食。價錢 ¥6.8 起。

吃重慶老火鍋記得加圖中的乾辣椒碎（圖片來源：是小千哦小紅書）

圖片來源：只想吃饱睡好🐷小紅書

店內有不少重慶「小食攤」，如即叫即煎的土匪鍋巴、即樁紫薯粑、現製苕皮、即炒鑊氣流心蛋炒飯、即蒸重慶醬肉包子等，吃火鍋又吃小食，啱晒心多多香港人。

三角粑的糯米皮內有白糖及黃豆粉（圖片來源：养一只我小紅書）

土匠鍋粑（圖片來源：只想吃饱睡好🐷小紅書）

現製苕皮，紅薯粉製的小食，可當火鍋料也可小食（圖片來源：只想吃饱睡好🐷小紅書）

必點 36 道蓋碗茶，對香港人來說係抵叫嘅，¥188 有 36 個小碗送上，全都是重慶火鍋配料，如脆毛肚、鮮鴨腸、羊膏卷、肥牛卷等﹐一次過可試勻特色嘢！

錘錘手工蝦滑（回片來源：只想吃饱睡好🐷小紅書）

圖片來源：只想吃饱睡好🐷小紅書

錘錘手工蝦滑也推介大家必叫，因為有店員扭住腰現椿。其他招牌配料還有茉莉花千層肚、雙黃蛋嫩肉片、藤椒牛肉、大刀白肉、生扣鴨腸、及奶香雪花肥牛等，都非常大有特色。

圖片來源：只想吃饱睡好🐷小紅書

圖片來源：只想吃饱睡好🐷小紅書

至於價錢係抵玩嘅，火鍋湯底 ¥6.8  起，調味料 ¥6、湯丸、三角粑等甜品由 ¥3 元、肉類配料由 ¥9 起、蔬菜 ¥3-16、現切肉 ¥25-38、招辣辣滷 ¥12-36，性價比唔錯。

圖片來源：是小千哦小紅書

估唔到帶點老套味的火鍋廠，甜品款式豐富到無人會投訴，款式有豆花、芋泥麻薯湯圓、櫻花壇子奶茶、竹筒紅提寶藏茶、竹簡抹茶寶藏茶及紫薯粑，豆花及紫薯粑更是即撞即椿，有埋甜品，呢餐相當完滿！價錢由 ¥15-38。

北步園火鍋

📍 地址：深圳市羅湖區沿河東路 13-1 號啟岸青年公寓

☎️ 電話：+86 0755-82288929

⏰ 營業時間：星期一至五 11am-11pm，星期六、日及假期 11am-2pm 4:30pm-11pm

🚇 交通：深圳地鐵 1 號線老街站 B 出口，步行約 5 分鐘