女印傭控男僱主性騷擾　庭上播男聲錄音「想搵個好嘅工人姐姐同我結婚生個仔」

平機會早前代表一名印傭入稟區域法院，指於2022年受僱於獨居男僱主期間遭對方性騷擾，涉違反《性別歧視條例》，向僱主索償逾18萬元，案件今日（8月13日）於區域法院開審。

男僱主被指性騷擾女印傭案，涉違反《性別歧視條例》，案件今在區域法院開審。(資料圖片)
女傭洗澡後 男僱主︰「好香！」

原告人為印傭Sri Wahyuni，今由謝大律師代表；答辯人為林銳生，今天沒有律師代表，自行答辯。原告方指，涉嫌性騷擾事件發生於2022年2月至3月，Sri Wahyuni投訴她在寓所沐浴後，林走近嗅她身體，形容「好香」。林銳生坦承曾稱讚對方「好香」，惟當時二人相隔4呎遠，其單位面積僅200多平方呎，印傭身上或有洗髮水香味，「成間屋好香」、「洗髮水味好濃」，於是隨意「覺得有香味就講香味」。

否認與呈堂錄音有關要求避席

謝大律師打算播放Sri Wahyuni和林銳生的對話錄音，林銳生隨即指錄音與自己無關，多番要求避席，謝大律師指出林銳生曾簽署法援署文件，承認錄音中男聲屬其本人，林銳生解釋當時因為時間緊迫下「冇經大腦」才簽署文件。

錄音中男聲稱「想搵個好嘅工人姐姐同我結婚生個仔」

庭上播放的錄音，當中女聲操不純正廣東話稱「下次唔可以咁樣呀」，男聲指「我而家單身呀嘛，我唔問你又點知你肯唔肯啫」、「我冇仔嘛，想搵個好嘅工人姐姐同我結婚生個仔」，女聲指「我有老公呀」，男聲回應「有好多人肯㗎，有好多人離婚㗎嘛⋯⋯好多人都有老公㗎啦，都會同第二個男人有感情㗎⋯⋯我喜歡你」，女聲說「唔可以鹹濕呀」、「我唔要呀，我喺呢度做工人，先生咁樣我好驚呀」，男聲再說「你又唔係未搞過」、「工人就唔Ｘ得㗎咩」、「就係想同你做愛，唔畀就唔好嚟做」、「返印尼耕田啦」。

被告斥原告方大律師「唔可以收人錢就生安白造」

林銳生一直指無法認出男女聲誰屬，謝大律師盤問下問到林銳生曾否邀請Sri Wahyuni性交，林銳生激動斥責謝大律師「希望你有啲專業操守，唔可以收人錢就生安白造」。

被告否反指女事主引人犯罪

謝大律師提到林銳生以按摩為名，向Sri Wahyuni 暗示性要求，林銳生反駁當時2人身處狹小廚房，Sri Wahyuni仍故意靠近，認為她引人犯罪，遂後退2步，問到「你識唔識按摩」來切入，然而供稱對方索價2000元，林銳生認為太貴，揚言到荃灣「600蚊咩服務都有㗎喇」，「中女」按摩費用300元，加100元便可享手淫服務，若加300元便可性交。

錄音片段男聲稱「就係想同你做愛呀嘛」

庭上再播放兩男女錄音，女聲指「畀我錢我唔要呀先生，先生做咩呀？」男聲回應「使唔使講到明啫，幾十歲人都諗到做咩啦」。女聲多次稱「唔知呀先生講咩呀」，要求男子向公司接洽，男聲反指「喺度做愛囉，呢啲點同你公司講啫」。接續播放翌月3日錄音，男子再次指「想同你搞呀嘛，就係想同你做愛呀嘛，唔畀就唔好來啦⋯⋯谷鬼氣，咁錫身就唔好來做啦」，其後又指「你咁驚喺度喊喺度哭」，女聲回應「唔可以鹹濕呀」。案件明午續審。

案件編號：DCEO4/2023