九巴大埔疑行錯路駛入停車場！網民笑稱司機可能因為「呢樣嘢」

巴士公司對於每條巴士路線均有指定走向，但近日一輛九巴就疑似「行錯路」駛了入屋邨商場的停車場迴旋處，更被街坊拍下放到網上，引來一眾網民熱議。

據網上圖片顯示，一輛73號路線的九巴，正停泊於大埔太和邨商場停車場迴旋處，而巴士上的路線牌寫有「大埔工業邨」。翻查資料，73號巴士路線，由九巴營辦，來往粉嶺（華明）及大埔工業邨，中途亦有巴士站位於太和邨。

網上圖片

網民笑稱司機可能因為「呢樣嘢」！

九巴司機疑似「行錯路」引來網民熱議，不少網民笑稱司機可能因為肚餓而中途駛入停車醫肚，「你好，我係車長，啱啱見仲有啲時間諗住入停車場泊車食個晏」、「車長入黎醫肚姐」」、「接女朋友返工啫」；亦有網民指司機有錯很正常，「錯行路不正確」、「導航問題」、「入錯過幾次啦，要慢慢出」、「應該係超級城去緊太和消防局直去冇右轉去輝暉花園, 諗住係呢度u turn , 返太和路落返消防局個路口再左轉入輝暉」、「應該行錯路，搵呢個位轉個靚灣更正返路線」。