殘奧雙金得主何宛淇遭餐廳歧視　食肆致歉否認歧視經理還原真相！

香港近日發生一宗餐廳疑歧視事件！巴黎殘奧雙金得主何宛淇表示，她日前到銅鑼灣一間泰式食肆用膳疑遭受歧視，她直言雖然店內顧客不多，但侍應指其輪椅「會阻住大家行」，因而拒絕讓其入內。之後食肆致歉並否認歧視，餐廳經理亦向公眾還原真相。

(何宛淇社交平台)(何宛淇社交平台)(何宛淇社交平台)

何宛淇：今時今日咁嘅服務態度點得

何宛淇日前在社交平台上撰文寫道，「唔怪越來越少人喺香港消費
，依家嘅服務都係咁差，夜晚去到銅鑼灣諗住入呢間叫Ayutthaya食個飯，間舖頭冇乜幾多個客，有咁大個走廊，一去到個門口諗住入去
，服務人員：我哋間餐廳冇位俾輪椅，我：我部輪椅好細，服務人員：部輪椅會阻住大家行，我：吓？正常埋枱，你仲有好多位，我：咁唔緊要，我俾網民睇吓夠唔夠」，她又在下文標註「今時今日咁嘅服務態度點得」。

食肆致歉否認歧視經理還原真相

有關餐廳負責人及經理其後在周三（11月6日）接受傳媒訪問，解釋及還原事件真相。負責人及經理就此事件向何宛淇致歉，又承認處理上有不足，但強調「沒有歧視」，指出餐廳一直有招待輪椅人士，現正循多途徑接觸何宛淇，「歡迎佢再光顧」。

何宛淇同日（11月6日）亦再度發帖，稱已接受餐廳負責人的電話道歉，指「希望今次唔係咁開心嘅食飯經歷，可以喚醒唔同持份者關注無障礙設施」；至於平機會也表示非常關注事件。

(何宛淇社交平台)