中大「百萬大道」畢業禮因颱風取消　學生網上怒轟校方有回應！

香港中文大學原定周四（11月14日）早上舉行頒授學士學位典禮（大會），惟受熱帶風暴桃芝影響懸掛八號風球，校方公布取消大會，並發電郵表示，「對畢業生及家長期待已久的莊嚴典禮不得不取消，感到惋惜」，預計多達5,000名學生受影響。

【17:15】中大最新表示，畢業禮將延期至星期日（11月17日）舉行。

中大最新有回應！

就畢業禮取消事件，中大向本地傳媒表示，因颱風關係，原本今早於戶外舉行的典禮已取消。但部分書院在下午於室內舉行的典禮，以及周五、周六各學院舉行的博士及碩士畢業典禮會如期舉行。

校方指畢業禮按傳統在露天的「林蔭大道」一個臨時構築物內舉行。基於安全考慮，在8號颱風訊號影響下必須取消，工程人員已連夜拆除懸置的電視、喇叭等裝置，避免飛脫，以策安全。在8號波解除後，校方已盡快委託專業結構工程重新評估該臨時構築物有否受颱風損壞，影響安全。

在完成評估後，大學將審視情況並考慮包括場地安全內的各因素，並在今日黃昏時公布受颱風影響而須取消和更改的畢業禮安排。

雖然有部分書院在「落波」後如常舉行畢業禮，但有部分書院則取消，引起學生在網上怒轟。中大的社交平台湧現大量留言，當中大多表達對校方取消畢業禮不滿，直言「失望、憤怒」。

部分網民及學生留言：

- 有冇諗過今年畢業嘅同學仔係2020中學畢業，姐係代表已因為covid而cancel中學畢業禮，而努力考完dse入大學，但竟然大學畢業禮都取消
- 有冇諗過好多家長挨左成世等嘅就係聽日
- 其實幾日前都講到明有機會打風，已經有幾日時間可以準備應對呢種情況，你地send zoom link 俾畢業生嘅時候我地都預期你地作為主辦都會有補救方案？雖然zoom 畢業禮係閹割版但大家都會明白，而家一句話深感抱歉就諗住側側膊唔搞？
- final都有得reschedule點解畢業禮會冇
- 親愛的中大高層係咪畢咗業太耐？唔記得一個畢業禮對一個學生有幾緊要？話取消就取消
- 咁大件事都唔諗吓後備方案
- 對校方真係好失望，對畢業生其實係一世人無幾何可以經歷好多次嘅人生大事