被指「全港最寫意工作」 網民一面倒咁講😮

8號風球今早 (11月14日) 剛除下便有不少「打工仔」為口奔馳趕上人潮返工之際，網上fb群組最新流傳一則帖文並且附上一張圖片，帖文指「香港最寫意工作，一邊嘆冷氣一邊淋花」，圖片中顯示一名貨車司機在尖咀港鐵站對出的馬路，一邊慢駛開車，一邊手持水喉為馬邊旁邊的植物灌溉，隨即惹來不少網民熱烈討論。

網上fb群組圖片

網民對於帖文的觀點似乎並不認同，紛紛留言表示「一個人做兩個人嘅嘢喎」、「辛苦嘅時候，你見唔到啫」、「多數呢啲叔叔都一手包辦好多嘢，唔係你諗到咁舒服」、「揸洗地車就寫意」、「點會係寫意呀,又要揸車又要吊住隻手」、「可以收張告票了今日白做」、「話說司機行車玩電話都唔得啦？甘淋花其實得唔得呢？」等。