有片｜的士車門未關「照開車」極牙煙　影片網上瘋傳！

車門未關便開車是非常危險的事！近日有市民在網上發影片講述自己坐的士時，的士司機沒有關好門便開車的經歷。影片在網上瘋傳後更惹起熱議。

該網民的帖文寫道，「揸車之後都冇咩搭過的士，跟住一搭的士就咁刺激，車門都唔使閂。」影片所見，的士快速行駛，然後車門一直打開非常「牙煙」；而網民又指司機原來未有留意未關好車門，他說「如果我冇同佢講，佢真係諗住咁樣車到我返屋企」。

影片截圖影片截圖

影片網上瘋傳後惹熱議

影片網上瘋傳後惹熱議，不少網民對影片留言，「沿途望出車外，是命喪的感慨」、「條命係你嘅，你鐘意點就點啦，但如果你真係跌左出去，唔只你受重傷，司機都要負責任！所以你第一時間唔係應該叫司機閂門咩？」、「有啲司機真係傻， 一上車就篤油，睇都唔睇閂咗門未」、「個司機冇留意到未閂門咩？」、「呢架的士係咪壞咗冷氣，淨係開隻窗唔夠涼，索性開埋度門」、「的士收費，但機動遊戲體驗」、「呢啲咁嘅自動門，真係好恐怖，瞓覺如果側埋一邊，肯定死緊」、「司機危險駕駛，一定告得入」、「香港都有得撘篤篤」、「天然通風，當去左泰國」、「危險駕駛」、「到站可以直接落車」。

而根據法例第374G章《道路交通(交通管制)規例》44條，任何人不得開啟，或致使或允許打開在道路上的汽車或拖車的任何車門，以致對任何人造成傷害或危險，任何人無合理辯解而違反可處第1級罰款，即最高罰款2,000港元；而這個行為亦有可能犯下第37條「危險駕駛」，若以危險駕駛導致他人身體嚴重受傷為例，最高可處監禁7年。