有片｜北角小販好心請後生仔食煨番薯　好人好事卻被指早有預謀？

香港到處充滿人情味，近日一名後生仔在網上分享一件「好人好事」，他指在北角看到一位擺賣的流動小販檔，獲小販請食煨番薯，並將事跡發布網上獲瘋傳，但卻被網民指「早有預謀」？

一位男子在網上發文，並寫道「路過北角，身上冇現錢，叔叔請我食咗個燴番薯。叔叔借啲意話下次俾，第日過嚟買多幾隻」，以讚揚小販的美德；男子又表示香港人「很有溫度」，感受到「最實在，最貼地」的真情。

網上圖片

好人好事卻被指早有預謀？

有網民看畢影片後，表示要尋找小販並幫襯，又指非常尊重小販行業，認為行行皆辛苦，「燴番薯係要用幾個鐘頭 先可以整熟一個番薯
非常非常之花嘅時間，係非常之辛苦嘅工作」、「呢個老人家，我係非常之尊重呢個行業，尤其是食佢哋嘅番薯天氣凍嗰陣，個心係特別甜」、「之前伯伯係同婆婆一齊擺檔，但係伯伯話婆婆病咗，所以得翻佢自己一個擺檔，見佢一個人擺檔吃力好多，可以嘅就支持下」、「伯伯真係好好人，佢都係北角區做咗好多年，有次去買鵪鶉蛋 諗住搵吓有冇散紙，但佢應該以為我冇現金喺身，佢就同我講”攞去食啦”」、「記得多啲幚襯，同埋俾翻錢。呢啲咁好的老人家好難得！」、「伯伯好勤力，夜晚11點先收檔，下次都要去北角幫襯伯伯」、「你一定要去幫襯返佢，唔好辜負伯伯一番美意」、「從來，買呢啲街頭小販嘅嘢食，第一係食人情味，第二係食風味」。

不過，有部分網民卻因為男子是做保險行業而不賣帳，更認為男子在演戲，利用了小販的好心，「你係做保險的，有哂準備去影，阿伯係好，但請不要借題發揮」、「原來係保險佬，唔怪得可以咁理直氣壯分享」、「一舊燴蕃薯無現錢咪唔食，都照要？呃伯伯咩」、「牛高馬大保險佬咁都要呃阿伯條蕃薯食？好唔好意思」。