將軍澳麵店疑遭一家三口「走數」發動網上尋人　網民斥：不知所謂！

市道不景，各行各業經營困難之際，理應互相體諒，但有人卻夠膽在餐廳吃霸王餐「走數」！將軍澳一間麵店近日在社交平台發文，寫道，「尋日早上有一家三口嚟將軍澳店食早餐，食完後，女士先同孩子出門口問有咩付款方式？講咗好幾個都話冇。。。轉頭話佢老公會付錢，佢就話帶個小朋友走先，之後就喺同事唔為意，發覺突然間走咗。」

其後店主再表示，希望這家人看到帖文後，能盡快回店付清款項，因店內有閉路電視，亦已收錄全部對話，又說希望只是因為「唔記得」而忘記付款。據店主貼出的收據，可見這家人在餐廳共點了兩個套餐，包括煎米粉和湯蝦餃，一共79港元。

網上圖片

網民斥：不知所謂！

不少網民對這家人的行為表示憤怒，認為他們不知所謂，行為更會教壞小朋友，「贊成出cctv相，等佢D 親朋戚友同事街坊提提佢未埋單。冇人提的話佢可能真係會唔記得的。」、「可能唔記得，都有小朋友佢唔會咁嘅身教。」、「以前做食店有試過，應該真係唔記得」、「走數，要報警，個大人真係不知所謂，小朋友都要上一課」、「生意難做。收唔到錢即係蝕雙份 。 故意咁做既人係要受懲戒。」、「如果過24小時都無消息，不如報警算吧。」、「直接公開CCTV片段好過」、「呢啲走數人有得1次就食過返尋味，為免更多商家受害，俾個期限再5出現就貼相，然後就再報警」、「直接報警啦，係舖頭門口貼大頭相啦」、「咁大個人仲食霸王餐，真的是...」、「香港地做飲食都唔易、唔少餐廳開一年就結業，希望事主可以返嚟埋返張單。」、「有可能真係豬隊友冇俾錢嘅誤會，希望出現返」、「落單先俾錢，後上食物吧，太多劣幣，無辦法唔自保！」、「似誤會以為老婆比左」、「$79都玩嘢...」。