有片｜駿景廣場女司機出入口突停低落車走人　後車塞死誇張畫面曝光！

火炭駿景廣場出入口發生一件搞笑事件。有車主在網上發影片表示，周二（12月17日）在駿景廣場出入口打算駛走時，前方一輛Tesla車突然在出入口突然停低，女司機其後下車並離開。

車主寫道，「唔知以為你係屋企，就咁打死火燈落車走咗去，咁我哋後邊點啊？」之後車主被逼在出入口處停下，後方車輛亦因而塞死。影片結束。

影片截圖 (FB@永善)影片截圖 (FB@永善)影片截圖 (FB@永善)

網民：保安呢？保安點做嘢？

不少網民對女司機的行為表示憤怒，認為應該將她的惡行公諸於世，亦有人不解為何沒有保安處理事件，「砵佢la，面皮厚到呢」、「保安好快出黎啦喎」、「自私加無品，亂咁嚟！想點就點！」、「自私，不知所謂，你行晒呀」、「駿景園嗰班保安玩大車就叻」、「砵到有人鎖為止」、「面皮幾尺厚」、「叫保安出黎鎖車」、「港女態度，報警報警報警」、「真係好多司機覺得自己好巴閉、好有優越感。」、「收埋鏡，比你容易啲過喎，好司機啦！」、「可響安示意佢離開。」、「拉開雪糕筒圍Q住佢架車，自己開返條路」、「人無恥便無敵」、「好自私，落車話佢啦」、「人品，看怎駕車就知」。