的士司機揸車載客公然「瞓着覺」仲行錯路　乘客：驚到時撞死人！

坐的士都要擔驚受怕？日前有一名男士在網上分享自己在乘坐的士的經歷，指的士司機在行駛期間公然「瞓着覺」，不但非常危險，事後更行錯路，令他感到不快，在網上公開事件。

的士司機揸車載客公然「瞓着覺」

該名男乘客在網上發帖文指，自己和朋友在九龍上了一輛的士，當車駛至新蒲崗附近，明明在快線行駛，但司機突然減速只走30至40公里，轉入街口後，司機再停車，「我望一望佢，嘩！司機瞓着咗！」。

男子表示，他立刻叫醒司機，並向他說「乘客好危險，你條命分分鐘出事，等陣不如你停低架車休息吓！」，司機再慢慢張開眼，招手示意聽到。

的士司機揸車載客公然「瞓着覺」仲行錯路。(FB@Roni Wong)

的士司機另一街口「繼續瞓」仲行錯路？

其後司機駛到到另一個路口，的士再次停下，原來司機再次睡着，男子說，「今次佢仲瞓得腍過上次。我轉頭望住後座兩位乘客，做咗個瞓覺手勢，示意又瞓着咗」。

男乘客指，再叫醒司機後便一直與司機聊天，最終「有驚有險」到達目的地，但司機卻去錯地方，更怪責眾人當初沒說清楚下車地點。乘客感到不快，於帖文中表示，「香港人工作忙，生活壓迫，我明⋯⋯但你咁揸車瞓覺，仲夠膽死調返轉，怪我哋冇講清楚地點，你真係瞓醒未？唔該，唔好害已害人。」

他又說，因自己太趕，沒有拍下車牌名司機名字，只可公開表揚的士服務質素，不想到時「撞死人、害死乘客、撞死你自己」，亦奉勸大家出門小心。

同場加映：的士司機違例記分及的士車隊

的士司機違例記分及的士車隊的士司機違例記分及的士車隊的士司機違例記分及的士車隊的士司機違例記分及的士車隊

網民：的士司機隨時害死人！

事件在網上掀起討論，有網民擔心影響道路安全，更指會「隨時害死人」，亦有人認為司機可能本身患有隱疾，建議他應該不要工作，注心治療，「比我就即刻落咗車…」、「呢啲司機隨時害死人！」、「呢啲情況見到佢瞓覺就即刻俾錢落車」、「希望佢唔好再做，乘客同路人都好危險」、「佢似有病多d，似渴睡症」、「其實真係要報警，話佢要call白車」、「呢啲真係要報警，費事害死下一個乘客。」、「香港搭的士真係好危險」、「咁都瞓得著…」、「所以啲人搭車千祈唔好掛住玩手機呀，望住司機對眼」、「不如做下保安算啦」、「係一種病嚟，叫渴睡症，司機叔叔應該控制唔到嘅。佢需要去求醫，不過草根階層，手停口停。唉！」、「好彩你坐副駕位」、「舉報佢等佢醒神啲」、「師兄，咁接近死亡都冇事，睇嚟你有運行喇」、「佢應該唔止攰咁簡單，明顯有唔適宜揸車嘅身體狀況，佢呢啲屬於危險駕駛」、「我都試過…見到的士司機洽眼瞓，真係要大大聲撩佢講嘢…」、「唔搭的士有原因」、「佢可能食咗藥，唔係剩係「醉駕」，「藥駕」都係好嚴重㗎」、「可能吃了傷風藥、咳水之類，這些真的忍唔到會瞓著！」。

的士司機犯了危險駕駛？

根據香港法例第374章《道路交通條例》，「危險駕駛」是指駕駛者在駕駛過程中表現出極度危險的行為，這些行為超越了一個合格駕駛者應有的駕駛標準。危險駕駛與不小心駕駛不同，後者通常涉及駕駛者的疏忽或缺乏注意力，而危險駕駛則通常涉及更具主觀惡意或魯莽的行為。

「危險駕駛」最高可被判處罰款25,000港元及監禁3年。如屬首次被定罪，可被取消駕駛資格至少6個月；如第二次或再次被定罪，則可被取消駕駛資格至少2年、強制修習駕駛改進課程，以及記10分違例駕駛記分。