食環署職員變身「職業伏擊隊」 網民：捉亂扔煙頭可去到幾盡？

網上fb群組最新流傳一則帖文並且附上一張圖片，帖文題為「為咗捉扔煙頭可以有幾盡？」。

圖片中可見一名食環署職員，相信早前為了等候煙民亂扔煙頭後進行票控的一刻，藏身於路邊的草叢內「伏擊」，全神貫注等待的一刻被網民拍下並且上載到fb群組。

網上fb群組圖片

網民對此議論紛紛，不少人大讚該名食環署職員盡責，留言大讚「 做得好」、「好事嚟喎」、「敬業」、「好盡責」、「呢d唔會反感」、「支持」、「我經常喺嚴禁吸煙區見佢哋食煙同亂抛棄煙頭」等。

另一方面，不少網民認為該名食環署職員只是捉丟煙頭有點誇張，留言表示「咪郁！FBI」、「偷蕃薯」、「交數」、「為咗膊頭多粒花何必呢」、「呢啲先叫做埋伏」等。

據了解，立法會早前通過《2023年罰款及定額罰款 (公眾地方潔淨及阻礙) (雜項修訂) 條例草案》，亂拋垃圾罰款金額倍增至3000元，包括亂扔煙頭。