新年銀行換新鈔疑唱錯錢　客人收電話稱要「回收」：做錯要我負責

不少人新年會到銀行換新鈔，準備派利是，不過近日有市民在網上表示，銀行職員疑「唱錯錢」，故打電話給他稱要「回收」確認，並會扣回多付新鈔的金額。

新年銀行換新鈔疑唱錯錢

有網民在社交平台發帖指，周一（1月27日）中午到銀行換領一萬元的新鈔「封利是」。他在帖文寫道，「想要$20、$50、$100同$500」，換鈔前沒有想過各面值實際要多少。事主指當時行到櫃位時，很隨意說每個面值要幾少，他指：「我仲用櫃位記事紙，寫低每個面值，總共要幾多錢（唔係幾多張），咁啱總數係一萬蚊。」

新年銀行換新鈔疑唱錯錢新年銀行換新鈔疑唱錯錢

銀行職員即時在事主面前用點鈔機點算，事主收到總值1萬元的新鈔，「我相信銀行，也沒有再數過確認，銀行職員用機，幫我每個面值都數咗一次，我見到佢話部機就出幾多張，自己就冇去計，究竟總共係唔係一萬蚊。」

事主：唔明點解可以咁都數錯

可是，事主在當日晚上約6時，便收到該銀行來電，指換新鈔職員數多了新鈔給他，「銀行話個職員唱多咗$1000俾我，應該係二十蚊紙嗰度多咗。」

銀行一方希望事主能即時數錢，再同銀行確認，並於事主銀行戶口扣回1000元，惟事主回覆表示，新鈔當時「唔係身數唔到」，銀行即請他「聽朝再確認」；事主又對於銀行出錯，卻要他「自己要用人手數一次」感到無奈，並反問，「其實我係咪冇義務幫返呢個銀行職員？佢做錯事要我負責，浪費我嘅時間。唔明點解可以咁都數錯。」

同場加映：唱錢最化算必睇4大貼士

唱錢最化算必睇4大貼士唱錢最化算必睇4大貼士唱錢最化算必睇4大貼士唱錢最化算必睇4大貼士唱錢最化算必睇4大貼士

網民正反兩極！

部分網民聽聞事件後，非常替事主感到不值，認為真的沒有義務幫忙，亦有其他人認為，銀行職員也並非有心，加上點算時有損失會很麻煩，故可以的話應盡量幫忙，「我都試過銀行職員對錯簽名，離開左後接到銀行職員電話，用「命令式」嘅語氣要我即刻返去簽名」、「點解銀行咁肯定係你收多咗$1000？」、「冇義務。不過無論你數唔數，銀行都係會照響你戶口扣番嗰$1000」、「請救救可憐的銀行人新年真係做到洗手間都無得去」、「你響銀行入錯錢就係你自己要負責；職員幫你整嘢出錯，都係你負責，仲要唔話返俾你知，亦都唔准問。」、「體諒下，唱新錢既呢段時間係全行最忙。又多客又要快。」、「做teller超慘，最前線，最易錯，最受氣，仲要跑數」、「幫下人無壞啦，人誰無過」、「明明自己冇做錯野係人哋做錯，仲要比人話返轉頭話冇同情心」、「我係銀行做過好多年，你冇義務幫佢，有機數唔代表可以hea做和求其，我都見過好多teller好求其。」、「你無責任幫佢數錢，出糧唔係出係你度」、「我入數，成日入錯數啦，我即刻沖返去搵佢算帳。」、「當然佢做錯咗事情，但係喺呢啲年底時候咁忙，人無完人，人誰無錯。」、「我去銀行攞錢，就算銀行職員係數錢機顯示左個數比我睇，我攞左錢之後都一定自己會數一次，呢個係自己嘅責任。」。