網上fb群組最新流傳一則帖文並且附上一段手機視頻,帖文題為「大開眼戒」。
視頻中可見在一列正在前往旺角站的港鐵列車內,一名大叔除去其中一隻藍色波鞋,拿出指甲鉗在眾目睽睽之下「表演」剪腳甲,其自私行為被車廂內其他乘客拍下並且上載到網上fb群組公審。
網上fb群組視頻截圖
網上fb群組視頻截圖
網民對此極為反感,不少人紛紛留言表示「冇家教!」、「低端人口」、「咪獨孤一味影腳吖,影埋個衰樣嘛」、「黐孖筋,返屋企搞唔得嘅!」、大佬呀剪指甲都好啲啊剪腳甲」、「走去問佢可唔可以拎佢D腳甲去做法事,佢會執返起晒佢」、「時間管理大師」等。
此外,不少網民更分享類似的可怕經歷,有人留言表示「今朝先見到有個阿叔剪手甲,連剪起碼四個地鐵站,簡直專注到high」、「以前搭巴士嗰陣時,成日見啲師奶喺度剪指甲!」、「你見都係一個人,我喺餐廳隔離枱老豆剪完仲要幫2个女剪」等。
據了解,根據《香港鐵路附例》第24條指出,乘客不可吐痰和拋棄棄物,違者可被罰款$5,000;至於港鐵附例第25條指出,不可對乘客造成滋擾,違者可被罰款$5,000。