港女用$71嗌外賣落錯單「買空氣」　幸外賣員與好心餐廳神救援！

許多市民懶煮飯時，都會利用手機應用程式叫外賣，方便自己日常生活，不過在外賣員送上美食之前，有可能因為自己點錯單，而收不到想吃的餐點。近日一名女生在使用點Keeta點餐時，沒有成功選擇任何食物，卻選擇了餐具，並且選擇「不需餐具」，結果支付「與最低消費的差價」及運費共71元。落錯單「買空氣」後，幸得好心外賣員與好心餐廳神救援。

港女用$71嗌外賣落錯單「買空氣」，幸得外賣員與好心餐廳神救援！港女用$71嗌外賣落錯單「買空氣」，幸得外賣員與好心餐廳神救援！

港女用$71嗌外賣落錯單「買空氣」

有香港女生在社交平台發帖文，指自己朋友日前做出一個「搞笑經歷」！她說，其朋友日前透過外賣平台Keeta叫外賣，等了一段時間後，收到外賣員電話表示「張單要等好耐，唔等」。

女生再聯絡平台要求退款，其後再有另一名粗廣東話的外賣員致電她，她向外賣員要求盡快送餐，外賣員聞後協助她與店家對話，但原來女生只支付「與最低消費的差價」及運費，沒有點餐。

外賣員與好心餐廳神救援！

最後幸得到外賣員與好心餐廳的「神救援」。雖然餐廳疑似「白做」，也為女生送上一份餐點。女生的朋友亦大讚餐廳，「餐廳聽到我fd好急切好餓咁就整個餐俾佢，所以我先話間餐廳好好」。

同場加映：管制即棄膠餐具和其他塑膠產品

管制即棄膠餐具和其他塑膠產品管制即棄膠餐具和其他塑膠產品管制即棄膠餐具和其他塑膠產品管制即棄膠餐具和其他塑膠產品

網民：系統問題玩死三方！

不少網民表示，外賣平台經常存在不同的系統問題，直指今次是「玩死三方」，希望日後平台能改善，亦有不少網民稱讚餐廳，「KeeTa個min pay差額扣佣金後係會比返餐廳」、「話前一個車手踢單，個車手就有啲可憐」、「間餐廳咁好，係我就去幫襯多次兼畀返外賣嘅錢佢哋」、「真心唔明點解個系統會比客人可以咁做」、「唔明點解成日有人落單之前唔check單」、「想知邊間咁有良心，等大家多d幫襯」、「餐廳好好呀，直程免費送個餐俾你食」、「買車手嘅免費笑容...」、「車手同餐廳都好醒目」、「餐廳幾好人喎，正常呢張單冇錢收都出餐」、「車手：佢餓到食餐具」、「餐廳啲人應該笑到傻」、「order餐具走餐具，即係淨係要個膠袋。」、「係咪bug嚟架，只點咗餐具無點嘢食？」、「間餐廳要開名表揚」、「咁有無比番錢餐廳」、「笑死，真係好餓」、「餓到咁，笑死」。

女生原文：

以下係我一位朋友琴晚嘅經歷
我聽完真係笑到XX
話說朋友琴晚嗌咗keeta
佢等咗好耐 之後收到一個車手嘅電話
話張單要等好耐 唔等
個fd好嬲 之後就message Keeta客服
話個車手踢單 話要退錢
冇幾耐有第二個講廣東話嘅車手打俾佢
佢就同個車手講佢好餓 叫佢快啲送去
個車手呆咗呆 問佢你嗌咗啲咩
個車手話開咗speaker 佢直接同店員講嗌咗乜
送到去佢到嗰陣 佢好感激個車手
個車手話 小姐我冇呃你㗎 你睇下張單
你淨係嗌咗個餐具
睇翻個order 嚴格啲嚟講佢係連餐具都冇買
淨係俾咗個min pay差價
間餐廳真係好好 整咗個餐俾佢