有片｜私家車疑亂泊地盤遭「土法鎖車」　鎖車者更稱：後果自負

胡亂在不同地方停車，可能會招致鎖車風險。近日有人在網上發帖文，指在一個地盤看到一輛私家車疑亂泊，遭到「土法鎖車」，鎖車者更貼告示指「後果自負」。

私家車疑亂泊地盤遭「土法鎖車」

網上流傳一則貼文，寫道「亂泊地盤，後果自負」。發帖者指，一輛私家車疑泊於一個地盤，疑遭人員鎖車。據影片所見，私家車的車頭及車尾，均有兩塊大石屎擋着，令車輛無法前進；另據圖片所見，圖上有告示寫有「唔係本地盆（盤）車，後果自負」，亦貼有私家車的照片。

私家車疑亂泊地盤遭「土法鎖車」。(網上圖片)私家車疑亂泊地盤遭「土法鎖車」。(影片截圖)私家車疑亂泊地盤遭「土法鎖車」。(影片截圖)私家車疑亂泊地盤遭「土法鎖車」。(影片截圖)私家車疑亂泊地盤遭「土法鎖車」。(影片截圖)私家車疑亂泊地盤遭「土法鎖車」。(影片截圖)私家車疑亂泊地盤遭「土法鎖車」。(影片截圖)私家車疑亂泊地盤遭「土法鎖車」。(影片截圖)私家車疑亂泊地盤遭「土法鎖車」。(影片截圖)私家車疑亂泊地盤遭「土法鎖車」。(影片截圖)

網民：最後點解決？

事件引起不少網民熱議，有人好奇最後如何解決事件，亦有網民質疑上址現場為公家路，認為鎖車者亦是無賴，「睇個地磚係政府路！但陀地大過差房惡過蛇」、「應該封埋側邊」、「放低$1000泊車費，問題應該解決到」、「係時候要使出八千轉兩米車」、「我想請問咁最後呢度點算好？」、「做開地盤嘅都知唔會咁玩法，一定會報警處理。」、「識玩就坐返上車報警，被非法禁固」、「長擺，鬥長命」、「搵架唧車即返佢出嚟」、「租兩部電積，剷底打橫拉出嚟咪得囉」、「安全，唔會有人偷到！」、「有留電話都唔至於搞到咁…」、「地盤都多”原居民”搵食」、「邊有自己放石自己認咁叻仔，一報警就搵地盤」、「算好心，後面嗰舊有機會郁到」、「架車牌費2023年，我唸放咗好耐，仲要唔係地盤嚟」、「亂泊報警咪得lor!」、「後面舊石大力少少應該碌得走」、「你搞佢就刑毀，到時真係後果自負」、「得嘅得嘅，幾百手軚應該駛到出嚟嘅」、「搵警察來就一定搵到放石既人」、「阿公地磚公家路，邊忽地盤？」、「依個位唔難出…肯放低一萬幾千嘅話」。

亂鎖私家車是犯法

而無故鎖上別人的車其實是犯法！根據香港法例第374章《道路交通條例》第49條「干預汽車」，任何人沒有合法權限或合理辯解而登上一部車輛或干預該車輛任何部分，即屬犯罪，可處罰款5,000港元及監禁12個月。