有片｜葵青小學陸運會校方禁光顧小食亭　店主大呻老師舖前巡邏攔截

葵青區一間小學近日在網上惹起爭議。一名青衣運動場的小食亭店主在網上發帖文，呻一間葵青小學舉行陸運會時，派老師到舖前巡邏攔截「阻客」，再以疑似「情緒勒索」方式阻止學生及家長光顧。

葵青小學陸運會阻做生意

店主在帖文中表示，自己於多區運動場經營小食亭，根據康文署要求，每次有學校租場活動期間必須開門營業，但自去年起有部分學校於陸運會期間派人阻止學生及家長光顧小食亭。

葵青小學陸運會校方禁光顧。(Threads)

他在帖文中表示，得悉學校舉辦運動會時，已向校方查詢有否特別要求，惟學校未有回覆。運動會當日他不在場及之後透過閉路電視了解事情，發現涉事小學一位老師，在當日10時至下午約2時，持續阻止學生光顧小食亭，直至中午約1時，其員工與老師發生爭拗，要求他停止阻止學生光顧，並發生言語衝突；下午該老師再與另一位教師前來，一同阻止學生於小食亭購物。

店主指老師曾說「抵你無生意」

店主形容，當日涉事的老師的行為是「情緒勒索」，對前來光顧的學生說「你買嘢食，咁其他同學冇得食架喎，咁樣你過唔過意得去呀？」。店主甚至指，老師曾說「抵你無生意」，直斥涉事的教師應為事件道歉，因有損老師操守。

店主其後再批評，指零售業難做，故「阻人做生意真係會死㗎！」，重申重遇上同類事情，將會報警處理。

店主公開兩段影片證真相

葵青小學陸運會校方禁光顧，小食亭店主大呻老師舖前巡邏攔截。(THREADS)葵青小學陸運會校方禁光顧，小食亭店主大呻老師舖前巡邏攔截。(THREADS)葵青小學陸運會校方禁光顧，小食亭店主大呻老師舖前巡邏攔截。(THREADS)葵青小學陸運會校方禁光顧，小食亭店主大呻老師舖前巡邏攔截。(THREADS)葵青小學陸運會校方禁光顧，小食亭店主大呻老師舖前巡邏攔截。(THREADS)葵青小學陸運會校方禁光顧，小食亭店主大呻老師舖前巡邏攔截。(THREADS)葵青小學陸運會校方禁光顧，小食亭店主大呻老師舖前巡邏攔截。(THREADS)葵青小學陸運會校方禁光顧，小食亭店主大呻老師舖前巡邏攔截。(THREADS)

店主又公開兩段影片，片中有一把女士聲音疑為老師，並對着學生說，「係咪老師話可以買呀？」，經過多番爭論後，店員對着老師道，「你唔好阻住我做生意」，老師隨即回應，「係呀係呀」。至於另一條影片，則有一名老師不停勸退學生，更不停說，「今日唔係大食會；下次先好無」等之類說話，亦見片後有兩名學生離去。

網民：小朋友真係好慘

事件引起不少網民對小學陸運會的回憶，有人指不明為何老師要剝奪學生自由，亦有人認為小朋友好慘，「好慘，小朋友比賽左成日，爸爸想同小朋友篤下魚蛋燒賣都要得到老師恩准先得」、「其實正常人都唔會企係收銀檯前面教仔阻住人做生意」、「細細個老豆老母都教我”阻人搵食猶如殺人父母”」、「好脫節，自己幾皮野一個月緊係爽啦，就算出面環境幾差，呢d老師都唔洗擔心收入」、「以前學校上堂仲要連小賣部都冇」、「笑死我，啲學校真係仲停留係清朝，今年都2025」、「唔俾都算！ 點解係要係檔口面前教訓學生。」、「睇唔明佢想你負咩責任」、「一個陸運會都搞到上曬新聞」、「正常陸運會係可以比家長學生買嘢食買嘢飲」、「若果呢位真係老師，我覺得香港教育比想像中更可悲」、「見到大家回應都係一面倒支持店主，我安樂哂可以安心瞓教」、「小朋友是公民，擁有相同的權利。運動場是公眾場合，任何人都是自由人。」、「如果學生喺附近超市買咗零食檸檬茶等，會唔會唔准食呢？」、「如果唔准食，不如出通告運動會進行期間不准飲食！」、「我二十年前讀書果時都比，竟然有d學校係唔比？」、「老師成日咁守規矩得唔得架」、「人哋買野食，即係餓啦，餓唔比人食野，算不算虐兒」、「家長批准都唔比人買」、「支持你阿老細」、「反駁唔到人就話人態度有問題」、「而家買零食犯法咩？學校小息都可以食嘢啦。」。

同場加映：水浸前後食物點處理？

水浸前後食物點處理？水浸前後食物點處理？水浸前後食物點處理？水浸前後食物點處理？