重溫|「我知道我唔掂㗎喇…」 余慕蓮全捐身後財產 感動萬千網民送祝福！

活了87個年頭，著名甘草演員余慕蓮（魚毛）因為身體轉差，開始盤算人生最後的安排，難得她不迷信，對死亡沒有忌諱，很久沒有露面的她在演員米雪和安德尊陪同下接受《東張西望》專訪，交代將身後財產捐給工業傷亡權益會，以及將物業捐贈給東華三院，她的豁達感動萬千網民，不少人在「東張+」YouTube頻道為「魚毛」送上祝福，非常欣賞她的善心，感激她的無私奉獻，希望她身體健健康康，平安喜樂。

討論區也充滿愛！

「了咗我個心願囉，幫得到人就幫啦，交代咗自己想要做嘅是。因為我知道我自己而家都八十幾啦，唔知幾時去㗎嘛。間屋點呢？安排定囉！死咗邊個幫我安排啊？好過俾人呃，你哋東張西望都成日報道騙案啦！」對於捐出身後財產，她仍精靈地還跟東張主持林映暉說起節目，她最想跟觀眾說：「希望你哋記得我，我搞笑嘅... ...靚女唔輪到我，我會帶畀觀眾歡樂。」

「魚毛」說常看《東張西望》

《東張西望》拍攝當日，「魚毛」正在準備趕兩場，財產捐贈儀式，著名演員米雪更細心幫她剪頭髮以及化妝。「魚毛」透露原來米雪經常到老人院幫公公婆婆剪頭髮呢！

米雪為魚毛剪髮

當天「魚毛」其實也有抱怨自己的容貌衰老，她說：「皺晒皮影乜鬼？」米雪安慰說：「個個都會啦。」魚毛說：「而家個衰樣我唔想俾人睇到呀。」大家都不同意，人美心善啊！

魚毛：「皺晒皮影乜鬼？」米雪悉心為魚毛打扮

魚毛要完成心願同身體狀況有關，早年證實患上肺纖維化，加上驗出罕見嘅血液炎，一度入ICU留醫，以為因為人生走到終結，好彩經過半年搏鬥康復出院，但最近標靶藥也無效，特效藥一個月萬幾蚊，她自覺需要交代後事。

特效藥一個月萬幾蚊

「我就知道我唔掂㗎喇，咁我又唔驚嘅，我都八十幾歲，所以我就要求呀阿米雪同埋大王兩個幫我搵個律師寫定平安紙，因為我冇親人，我間屋，死咗之後（捐出）啊！唔係而家！唔知我幾時死呀嘛！間屋就捐東華三院，我銀行仲有些錢，我自己好慳嘅，我做完歡樂今宵呢，我都唔捨得搭的士返屋企，我行出廣播道搭巴士，儲埋啲錢就睇邊個慈善機關需要啦！」

魚毛退休時捐出8萬元在貴州興建余慕蓮希望小學

「魚毛」多年來積極行善，早在2000年代退休時，就捐出8萬元在貴州興建余慕蓮希望小學，雖然看似捐款不多，但足以在山區興建全市第一間兩層高的校舍，當年她介紹這間學校時，也笑容滿面，其實為善最樂！「我自己讀緊書少，我小學畢業㗎咋……自己開心人哋又受惠！」「瞓醒咪賺一日…」

「魚毛」經歷過多次大病已看破生死，「每個人都會死㗎喇！我而家希望死得舒服啲，唔好瞓到唔好瞓到屁股又爛、身又爛，最緊要瞓喺度，睡醒已經唔喺度。」她決定將財產捐給工業傷亡權益會，因為看到很多家庭因工業意外失去經濟支柱，認為傷亡權益會幫助很關鍵。負責人坦言未知魚毛捐款多少，但表明無論多少也感激，形容她樹立了一個好榜樣，是大愛的行為。

工業傷亡權益會感激魚毛善心

「你咁好呢一個想法、呢個行為，不如我哋公諸世話畀大家聽！」米雪解釋說服「魚毛」受訪及公開捐出身後財物的做法，「咁佢佢好低調㗎，咁佢話唔鍾意出風頭，但最緊要係你自己親手去送去，呢個係好有意思！」

「我都唔怕，我又唔迷信嘅！」「魚毛」思想開通，所以立遺囑、說好死後火化等安排，除將存款捐給工業傷亡權益會，物業則捐給東華三院。