東張知識｜陸大狀教你睇穿服務合約魔鬼細節 避開健身美容中心等銷售陷阱！

《東張西望》昨晚報道過健身中心銷售手段很嚇人，例如訛稱可退款，甚至有健身教練亂過數和隨意碌客人卡，陸偉雄大律師為觀眾拆解魔鬼細節，又教大家如何避過類似陷阱！

苦主損失數以萬計金錢

陸偉雄大律師指出，雖然列明有二十四小時的冷靜期，理論上應該對客戶有一個保障，但今次這個版本說明這個課程是一個特惠的計劃，因此冷靜期不適用，就已經是一個陷阱，陸大狀說：「咁咪即係左邊畀咗個保障你，右邊就拎走你個保障咁，即係講到明，所有款項、課程費用係唔能夠退款和轉讓。」

此外，合約更列明取代口頭承諾，陸大狀說：「你一簽咗之後係取代晒你口頭承諾，即口頭嗰啲唔算數，係呢個為準㗎！無論佢喺口頭上應承你咩，都冇用㗎！」

合約表明取代口頭承諾！

正所謂魔鬼在細節，陸大狀發現這份合約對客人非常不利，例如說客戶若然在健身中心受傷，公司亦完全沒有責任，客戶要自行承擔所有責任，甚至是為這間公司承擔公司的責任，非常不合理。

陸大狀受訪時指，合約永遠魔鬼在細節！

那麼，若然真的想再健身中心入會，或者其他需要入會的服務時，有什麼應該注意呢？陸大狀教大家幾招傍身：「有人遊說你時，你即刻錄音做一種證據。又或者如果你當時有朋友在場，你個朋友都聽住㗎嘛，咁你個朋友亦都可以做一個證人。魔鬼永遠喺細節，如果你貿然去簽，其實呢個係好不智，你應該睇清楚裏面的內容的！」