新四十二章｜鄺潔楹「巨無霸」爆炸頭 吸睛造型勁搶鏡

TVB話題新劇《新四十二章》，昨晚一集劇情最有Talking Point，除了是龔嘉欣（Katy）扮演「山寨版」Lisa＠Black Pink上身，大跳K-Pop冧陳豪（阿Mo）外，還有網民上星期千呼萬喚的鄺潔楹(Judy)，其飾演角色子瑜昨晚終於登場，飾演「炒股12成員」翰叔（陳勉良飾演）孫女的Judy，因不相信翰叔身患絕症，遂遭Mon姐（江嘉敏飾）的「設計」引往醫院，幸最終仍能趕及見翰叔最後一面，場面感人......

昨晚，人仔細細的Judy，在此劇形象甚為突出，不但着到五顏六色，其直達「巨無霸」級的爆炸頭更是相當吸睛！Judy笑言所有造型、包括臉上雀斑，全是監製陳維冠（Joe）的主意，並笑言角色造型與心目中有很大出入：「我個角色原型係溫柔啲，一去到化妝間知道個爆炸頭係我嘅，真係呆咗，冇諗過佢哋會將咁大嘅頭髮擺喺我度。第一次試呢個髮型都有成個半鐘，好擔心係咪每次都咁耐。」她又笑指爆炸頭令她很遴迍：「我試過勾到啲道具，吊威也又勾到條線。」

Judy續指除了爆炸頭，角色還需要大量配飾，故每次造型差不多要花上兩個半小時。不過Judy及劇組的心血完全沒有白費，除了造型掀起熱話，有網民留言：「估唔到現代版咁潮。」