傳媒大讚《東張》又建功　一文＋精華片段回顧揭破「賤男KOL」案來龍去脈

《東張西望》一連五晚報道，一名曾犯非禮案入獄的謝姓男子，出獄後變身坐擁過萬粉絲的KOL，他疑透過哄騙少女到家中性交，並偷拍性愛過程，多位受害人不但失身，更懷疑染上性病，終日在惶恐中度日，她們終於拿起勇氣現身指控，包括一名13歲少女。

報道播出後，引起廣泛討論，很多傳媒以及討論區都轉載事件，形容《東張西望》又建一功！討論區不少人都感謝《東張西望》揭發賤男行為，以免更多少女受害。節目更讓受害人團結起來，現在警方更將賤男繩之於法。

事實上，訪問時謝男毫無悔意，又自爆有手法氹女仔上自己屋企：「例如叫女仔上嚟煮飯仔，叫佢哋上來玩狗，我係攞呢啲藉口呃女仔上嚟。你唔可以話呃，都可以換個角度睇，你情我願又得，或者用一啲手法呃又得。我一日flirt（調情）一個女仔，點解我需要強姦？點解我唔聽日約第二個上嚟？我以前真係呃過女仔上床，但我依家有女朋友，亦有穩定工作。」其後，謝男再次責怪受害女生：「你叫佢小心啲，唔好亂嚟，唔好亂咁上男仔屋企。大家都有責任，佢要保護自己，你當然可以話佢細個，佢唔識，冇經驗，但呢啲要自己承擔！」

節目播出後多名受害者主動聯絡《東張》求助，有至少兩名受害人到警署報警，謝男疑想潛逃內地卻遭警方在關口拘捕。

先讓大家了解最新發展：節目播出後 謝男邊境被捕！

警方「有組織罪案及三合會調查科」於2024年4月18日晚上接獲兩名受害人報案，並於4月19日凌晨大約1時半在落馬洲管制站截獲該名正在離開香港的涉案29歲本地男子。該男子暫被「以威脅促致他人作非法的性行為」、「窺淫」、「非禮」及「盜竊」罪名拘捕，現正被扣留調查。
警方呼籲受害人盡快與「有組織罪案及三合會調查科」A1-1隊聯絡。警方的熱線號碼為59667815 ，所有報案資料，絕對保密。
謝男訪問自辯：

《東張》追訪謝男，謝男否認所有指控：「你有證據就報警，我知道係好嚴重嘅指控，我自己都好無奈…」他否認性行為期間偷拍：「梗係無…如果真係有偷拍，電腦、手機有晒證據嘅話，差人會拉我，我依家就唔會喺度同你講嘢。」
訪問期間，問他是否跟16歲以下少女發生性行為，他反而怪責受害者：「依家啲化妝技術好犀利，我唔可以否定或者承認所有嘢…你話16歲未夠，唔通真係要你拎張身分證嚟睇咩？當然，就算同意底下，與未成年少女發生性行為都係犯法，但我話畀你聽，呢樣嘢我真係答你唔到。（有受害者曾表明只得13歲？）痴線，係咪一定係我？呢啲都係口同鼻拗。」

曾犯至少兩次風化案的謝男，又強調自己已洗心革面：「我唔係一個好人，但依家已經冇再做任何一件壞事，我已經返咗去一個好好嘅生活。有啲人一定會加鹽加醋，如果我真係有做，我一定企出嚟，我已經係一個壞咗嘞。我以前真係同過好多女仔發生過性行為，呢樣嘢我承認。但依家我同佢哋發生性行為，都係你情我願。強姦嗰啲嘢全部都係假！我承認我以前係個好濫交嘅人，但我係冇做過犯法嘅嘢。」


他自爆患性上癮：「我話畀你知，我性上陣癮時，一日一個，有時一日兩個，嗰陣先知嚴重性。」至於曾與多少個女生發生過性關係，他直認：「好多、好多，數之不盡，過200啦。嗰陣真係好誇張，但已經好多年前，講梗係2017、2018年，好細個，仲係𡃁仔，好多嘢做錯。『心理醫生』話我問題係寂寞、有壓力，冇同家人、朋友溝通，將啲壓力收埋喺自己度，啲壓力無去減壓，用咗方法去以性減壓。」

謝男更拿媽媽出來博同情，指自己做錯得媽媽不離不棄支持：「佢好失望，我做咁多壞事，我話畀你聽，我阿媽係無辜，真係，禍不及家人。我自己都一錯再錯、性上癮，我（對自己）都好失望，自己都好後悔。我同阿媽都講過呢啲問題，咁大個仔一無所有、一事無成，只可以講喺我最失落時，我爸爸唔撐我，得我阿媽撐我。」
受害人指控：
連日多名受害者接受《東張》訪問，當中事發時只得13歲的Apple（化名），表示第一次見到謝男時，除了紋身跟IG相一樣外，樣貌跟相片並不同。Apple表示在網上聊天時，謝男已得知她的年齡：「佢仲話『幾好呀，好後生，好得意嘅妹妹』。」結果Apple一入男方屋企，便被謝男推倒床上奪去初夜。
 
受害人「Kitty」表示對方IG的照片，以健身、放狗，感覺上家庭背景不錯，有愛心又性能好。Kitty指二人聊天時曾獲邀到男方家中：「佢問我好幾次，要唔要去佢屋企過夜。」受害人「Joanne」表示二人互相關注IG後，獲邀請去睇寵物，又邀請到家中睇Netflix。

而受害人「Angel」受訪表示：「當時佢經常性喺網上Share佢嘅狗仔，我就覺得好得意，佢邀請我去佢屋企玩動物嘅時候，佢就入咗房好長時間冇出嚟，係咁叫我入去佢間房，佢話要喺入面睇戲。睇完戲佢開始郁手郁腳。」Angel稱一開始曾拒絕，但對方態度強硬，又行為暴力，二人之後便發生性行為。

另一位受害人「Kathy」原本是約男方去做義工，但對方稱生病甩底，之後叫Kathy送藥到家中，她說：「佢示意我去佢房睇寵物，當時入到房佢就關上房門，好迷惘嘅情況下去開房門，當時佢擋住我，唔俾我打開推我埋一邊，發咗咗唔情願嘅性接觸。」當時男方的家人返家，Kathy曾拍門求助，卻遭對方扔回床上。

Kathy看過謝男受訪後，直斥他前言不對後語：「即係佢承認有呃女仔上床，又點會變成自願呢？如果當事人覺得自己受蒙騙，或者有欺詐成分，都係犯法。佢仲指責番呢啲未成年少女嘅錯，覺得佢哋上嚟係佢哋唔應該；但問題係佢不斷利誘，同埋用盡方法引其他女仔上嚟。佢反而指責受害者，我覺得佢唔會改過。」她批評：「咁多受害者現身說法，佢第一時間搵法律尋求庇護，覺得所有矛頭指向佢，感受唔到佢悔意，甚至挑釁受害者，我哋先企出嚟。」Kathy更懷疑有更多人無辜受害：「希望民眾唔好再指責受害者，佢哋只係13、14歲嘅女仔，點解唔係指責個事主？」