獨家・多圖丨林建名兒子林孝信低調榮升人父 混血女友PO百日宴照揭密

曾經同吳千語傳緋聞、已故商人林建名兒子林孝信（Howard），原來已經榮升人父！佢嘅混血女友Nevaeh 於8月12號為其誕下 B仔 Sol。呢對新手父母於18號為Sol舉行百日宴，當日林建岳嘅愛女林顥伊（前名林愛兒）同兒子林孝能等親友都有出席。

林孝信與混血女友Nevaeh 日前為囝囝Sol舉行百日宴。

林顥伊（左二）同林孝能（右一）等親友都有出席。
Nevaeh於社交平台Po出當日照片。
林孝信係百億富豪林百欣嘅孫仔，其父林建名與叔叔林建岳因為跨足娛樂事業而備受關注，同爸爸林建名唔同嘅係，林孝信嘅感情生活相當低調，平日都係post同兄弟飯聚嘅相多；而其中、英混血女友Nevaeh亦對戀情相當保護，甚少上載與Howard嘅合照，直到其懷孕後，方post出與對方一齊影嘅孕婦寫真，Nevaeh除咗喺帖文中曾表示：「執子之手，與子偕老。我們的故事才剛開始🤍」外，Sol出生後佢亦上載抱住BB與Howard於醫院影嘅合照，並寫道：「​​A boy stole my heart from the first moment we met. I call him son.👼🏻2024.08.12 母憑子貴🧑‍🧑‍🧒」
爸爸一抱，Sol就即時恰眼瞓。Baby Sol
日前Nevaeh亦post出Sol嘅近照，肉嘟嘟嘅Sol相當可愛，難怪一眾長輩都對Sol愛不惜手爭住抱，不過搞笑嘅係，Sol無論係由媽媽定長輩抱住影相時，都係眼仔碌碌四圍望，但當爸爸Howard抱佢時，就被影到恰晒眼瞓，睇嚟爸爸嘅臂彎令到Sol BB好安心呀。
Nevaeh今年8月為Howard誕下囝囝 Sol。

一家三口合照。Nevaeh同 Sol BB。Nevaeh懷孕後才慢慢 post出與Howard合照。Nevaeh懷孕後時拍下不少美美孕婦寫真。

Nevaeh懷孕後時拍下不少美美孕婦寫真。