梁家輝再做外公 細女梁靜儀宣布陀B

梁家輝一家又有喜事喇！繼大女梁穎晨（Chloe）早前誕下小公主後，細女梁靜儀（Nikkie）亦喺佢同老公Tyler Toscani嘅周年紀念日兼老公嘅正日生日，宣布自己懷孕嘅消息！

Nikkie喺社交平台貼出超聲波照，宣布自己懷孕嘅消息。

Nikkie今日（20號）喺社交平台Po出一張由佢同老公平日影嘅合照組成嘅相片，不過特別嘅係相中間放有一張超聲波照，Nikkie亦喺超聲波照上打上「2025」， 並tag上老公嘅帳號。

二人於今年初舉行婚禮。
根據超聲波照嚟睇，胚胎嘅特徵已經形成，Nikkie喺帖文中表示：「Mommy and Daddy can’t wait to meet you!! 🤰🏻👫👶 #2025」而佢哋嘅好友亦紛紛喺帖文中留言恭喜二人。

今日仲係Tyler嘅生日。

Nikkie同Tyler喺今年1月12日舉行婚禮，當時二人斟茶畀梁家輝同江嘉年飲時，家輝更一度感觸落淚，相信出年Nikkie嘅BB出世時，家輝應該又會忍唔住喊喇！

當日斟茶時，家輝忍唔住落淚。梁家輝同兩個愛女感情相當好。