堅似！關嘉敏神還原「屈到輝智病了」 譚輝智本尊回應：使唔使似到咁！

TVB扮嘢真人騷《福祿壽訓練學院》圓滿落幕，飲恨「輸少少」的關嘉敏，最終雖然未有獲得任何獎項肯定，但她當晚神還原「屈到輝智病了」，扮演《中年好聲音2》亞軍的譚輝智獻唱《屈到病》，還配以經典機械舞步。戴上短假髮的關嘉敏，即時上身變了輝智的招牌扁嘴樣，無論神韻、樣貌似到十足，獲得網民激讚到「洗晒版」！

關嘉敏投入獻唱輝智在中2決賽中的《屈到病》，配以獨有機械舞步，有網民直指關嘉敏是「心目中的冠軍！」。其他網民亦搞笑留言：「嗰種反差好正」 、「似到呢！我初頭以為是表演嘉賓，再望點解好似高咗先知真係其他人扮」、「我第一眼以為真係譚輝智」、「神級似，嚇一跳」、「關嘉敏捉到輝智神韻、舞姿同埋表情，真係好精彩」。

事後，更獲得本尊譚輝智回應：「使唔使似到咁LOL！」連其兩位兄弟顏米羔和劉威煌，都甚為佩服留言：「正都不得了，食食吓飯都爭啲啃親，真係笑到爆，原來係關嘉敏扮，我都唔知。佢係咪打跛咗半邊身，如果唔係扮唔到輝智，佢嗰個神髓好似有半邊身斷咗，佢而家醫番好，想做番都唔似。係高咗，冇辦法，成件事係拉長咗，係真心似，我可以話你知，連當事人望到都嘩一聲。基本上音樂嘅節奏去緊，自己都有個節奏。」
 
關嘉敏比賽完畢，也在社交平台發表感言：「福祿壽訓練學院比賽終於圓滿結束。多謝大家幫襯，你哋嘅留言同埋message我睇到，好開心帶到歡樂俾你哋同鍾意呢個偽譚輝智。我噚晚好enjoy個舞台，希望你哋都係。四個月前嘅心態都仲諗住係玩吓，都冇諗過入到十強，多謝老師李思捷，佢真係好XYZ勁 ！！！一日為師終身為師！仲有王祖藍和阮兆祥，超級無私咁教我哋所有學員嘅嘢！仲有所有台前幕後工作人員監製導演等等等等。冇諗過自己可以有第二名，仲只係爭3分，我已經覺得贏咗！希望大家可以陪住我更多成就解鎖！」