《中年好聲音2》譚輝智罕談湊仔經 夥顏米羔劉威煌校服look唱Rap歌拍MV

譚輝智、顏米羔及劉威煌參加《中年好聲音2》比賽後彈起，收穫不少忠粉支持，呢日佢哋又有破格新搞作，「三帥」合體推出惡搞Rap廣告歌大賣潮書包，佢哋扮學生做騎呢動作，完全放低歌手形象，抽水抽到盡兼大放笑彈。

顏米羔、譚輝智和劉威煌著校服唱Rap歌拍MV Sell 潮書包。

佢哋喺MV裡面大玩惡搞抽水，除咗扮莫生反智轉身、又模仿電影《食神》大隻仔、講「頭文字D」金句，仲抽古天樂經典「省姐lun」車胎廣告，謝霆鋒米芝蓮唧朱古力與經典fing頭，加埋黎明金句「空肚食早餐」，MV於7月1日首播。

譚輝智好享受親子時刻，平時會去公園，去多啲小朋友未去過嘅地方。

38歲譚輝智與太太育有一仔一女，罕有談到湊仔經，指女兒不經不覺已5歲，現在仍十分回味女兒剛出世嗰段時刻：「當年我喺手術室聽到囡囡第一聲喊聲，我都喊埋一份！ 」譚輝智最難忘第一次送仔女返學：「最難忘佢哋上完預備班，第一次真正返幼稚園送佢哋返學，好唔捨得，因為唔可以畀家長入去，擔心佢哋唔適應。」

今次譚輝智、顏米羔及劉威煌為一個品牌嘅回彈減壓書包拍MV。

譚輝智一有時間就爭取機會管接管送：「而家小朋友啲書包實在太重，因為佢哋返學要帶好多書，又食物盒、餐具水樽，有時仲會偷偷塞啲玩具落去，好搞笑！不過佢哋腰骨仲係發展中，會擔心書包太重影響健康，所以有時都幫佢哋孭書包。」

譚輝智一有時間就爭取機會管接管送。

譚輝智好享受親子時刻，平時會去公園，去多啲小朋友未去過嘅地方：「最緊要陪伴，有時間就多啲相處。」今次譚輝智、顏米羔及劉威煌為一個品牌嘅回彈減壓書包拍MV，為答謝消費者，佢哋非常識做，簽咗逾一百張親筆簽名相連書包贈送；於7月1號至7月14號期間，參加早鳥預購活動即享折扣優惠，仲有機會拎到譚輝智、顏米羔、劉威煌親筆簽名相各一張，名額100位，先到先得！
顏米羔、譚輝智和劉威煌和在MV完全放低歌手形象，扮學生玩騎呢，抽水抽到盡。