胡渭康率中聲家族開慈善騷將愛心傳承 韋綺姍黃劍文被燈海感動

胡渭康、韋綺姍（Rita）、文佩玲及中聲家族參與一連三場慈善音樂會，一班熱愛唱歌之人為慈善出一分力，今次以香港情懷為主題，所以歌手獻唱咗多首經典作品，令人觀眾非常回味。

顏米羔、黃劍文、劉威煌及鄭梓浩獲粉絲熱情應援，佢哋亦傾力演出帶動氣氛，坦言翻唱經典歌有啲壓力，同時感謝粉絲落力支持，黃劍文就話見到一片燈海頓時好感動，而韋綺姍亦被燈海感動到想喊，佢、胡渭康同文佩玲係相識多年嘅好友，每次佢哋都好享受喺舞台上演出。

胡渭康率領《中年好聲音》唱將開慈善騷，佢好感激善長們買飛邀請基層人士睇騷，將歡樂同愛心傳承落去，而涂家堯開心跟前輩及《中聲2》歌手合作，大讚粉絲不分彼此，每一位上台表演嘅歌手均獲大家支持，令氣氛非常好！