胡渭康慈善騷兩場門票售罄 顏米羔劉威煌黃劍文忙到冇停手

胡渭康（William）、韋綺姍、文佩玲聯同「中聲」唱將涂家堯、顏米羔、黃劍文、劉威煌同鄭梓浩為稍後舉行慈善騷綵排，身為搞手嘅胡渭康好開心宣布兩場門票經已售罄，點知韋綺姍聽到後就話仲答應幫朋友買飛，鄭梓浩話原本諗住加飛，搞到要欠飛債。

家堯有份贊助所有男演出者服飾就提議加場，但阿康話好難再夾檔期，反而期待將演出衝出香港；米羔同威煌都話今次個騷有別於以往嘅群星騷，所以歌手會不時穿插喺舞台演出，係一個好新嘅體驗。「中二生」工作忙到冇停手，米羔話真係一個騷接一個騷，劍文承認有啲用腦過度兼且唔夠瞓，不過呢種攰係開心。