《玩轉腦朋友2》銅鑼灣某戲院走失椅套疑被偷走 戲院小編阿愁阿樂上身好彩搵得返！

大熱彼思動畫《玩轉腦朋友2》（Inside Out 2），終於等到第二集，將於7月11日正式上畫。同時，部分戲院已於上周進行優先場，讓大家先睹為快欣賞好電影。部分院線為了慶祝大家支持《玩轉腦朋友2》，更作出特別布置，全院都笠上「腦朋友」椅套，超靚又可以打卡！不過，原本呢件開心事，有戲院就在社交平台申訴，疑有觀眾完場後偷走了椅套，令現場的「腦朋友」不整齊兼走失了！

據了解，事發於英皇院線的時代廣場戲院，網頁貼出帖文，猶如戲中經典主角之一的「阿愁」上身︰「嗚嗚😭都話咗小編阿愁上身㗎啦... 啱啱發現有位「腦友」唔見咗… 焦慮嘅小編阿焦已經睇緊CCTV🚨所以請喺我變身做阿燥之前😡將椅套歸還啦🙏🏻」

戲院代表小編除了阿愁上身，還化身「阿樂」，樂觀呼籲小偷好心交還椅套，要不然就要變「阿燥」了：「大家要愛惜展品，鍾意就影多幾張靚相留念📸 記得tag返我哋呀😉」最後再P.S.多一句︰「 再手多多的話～下次就爭取唔到咁靚嘅打卡位畀大家影相㗎啦」

不少網民留言直斥行為要不得︰「啲人貪心，報警拉佢！」、「上carousell睇下有無人賣，應該會捉到」、「佢偷咗阿燥，而家真係唔方唔燥」、「自私L」。之後，據知翌日已經有人自動將椅套歸還，一眾腦朋友「重逢」，好彩咋，大家睇戲不忘要有公德心呀！

圖片來源：網上圖片

慘慘啦!