「準人妻」衛詩雅親揭未婚夫生日求婚過程：點解結婚呢？我會覺得係癡線！

衛詩雅宣布與醫生男友周祉安結婚，日前，她亦在自家YouTube頻道分享求婚影片，過程又甜蜜又有點搞笑的。

衛詩雅在片中多謝大家的祝福：「點解要結婚呢？佢求就結喇！其實之前我拍緊戲已經求婚，但係我一直都冇講，因為我仲消化緊。」衛詩雅憶述男友求婚一刻竟說：「我會覺得係癡線，有少少覺得唔係呀？搞啲咁嘅嘢？當時係激動同百感交集，有開心同驚嘅情緒。」

衛詩雅在片中加插了男友求婚過程片段，男友他先拿着大束鮮花向衛詩雅：「其實我都非常之愛你，呢個我送畀妳先。」接着，就拿出重點求婚鑽戒並單膝跪地向女友求婚：「希望你可以唔介意嫁俾我！」雙眼通紅的衛詩雅點頭答應，男友周祉安卻搞笑說：「多謝妳！」場面溫馨而搞笑。

原來，當時衛詩雅正在拍攝《破．地獄》，因為練習破地獄關係，整個人情緒很低沉及崩緊，突然再出現了求婚這件事，表示情緒好難控制，不過當時又確實很開心：「我曾經講過一句掌咀嘅說話，我成日都話你哋呃我唔到，本來我以為佢籌備求婚呢樣嘢，係瞞唔到我嘅法眼，但係嗰一刻我原來真係唔知，所以我更加冇準備。」

同時，求婚當晚也是衛詩雅正日生日，她更激讚陳家樂演技大有進步：「佢仲扮晒嘢問我一陣去邊，我咪話約咗男友食飯，但係我都覺得奇怪，男朋友竟然叫我着靚啲，當時我仲以為係因為生日，成日催我叫我快啲，搞到我有啲忟憎。」

她繼續點名感謝陳家樂，並謂感覺大家多年來一起共同成長：「我已經幫佢諗定一條姊妹裙，佢應承過我，我結婚嗰陣佢會着姊妹裙，佢要做伴娘。」

圖片來源：衛詩雅社交平台

「準人妻」衛詩雅親揭未婚夫生日求婚過程多謝陳家樂!