吳若希又爆Seed！疑不滿老公接送女員工 有粗口有截圖句句有骨：趷起條尾都知你做咩

吳若希（Jinny）的夫妻之道，向來與其他家庭不同，她也曾說過有自己的一套相處學問！Jinny與老公何兆鴻（Alex）經常因為小事爭執，Jinny的「獨有一套」，更是慣性公開大數老公不是，甚至將老公的「惡行」發文公審，曾直言「我教唔到你，就等出面啲人教你，我係咁嘅心態！」。近日，Jinny再度發功，在社交平台公開最新跟老公的對話截圖，內容更涉嫌是「老公接送女員工」而大感不滿？

事緣，Jinny交代事件的來龍去脈：「其實呢，女人呢係好敏感嘅，你趷起條尾，都已經知你會做咩㗎！今朝何生好積極咁話要車同事返工，俾我話完之後，好有骨氣地講，連車都唔揸自己搭地鐵！我又唔知點解，突然間覺得佢應該係搭地鐵搵佢公司同事，我Chok完佢第一句，佢又真係答我係Wor！即係我自己都有公司，都有幫人哋供MPF，我依家先知原來MPF需要老闆親自攞文件俾員工簽！男人呢，就好得意嘅，身有屎嗰陣呢，就會話自己已經好多嘢煩，怪番女人唔體諒佢！」

隨後，Jinny再以黑底白字對Alex作最後警告，她說：「作為太太，要提就提左GA LA，佢選擇尊重你，定係選擇無視你，係佢嘅決定。有啲人會忍，有啲人會嘈，我呢，同呢個人相處咗八年，太清楚佢咁嘅回答係代表咩！所以呢講埋今次，之後大家喺條街度見到佢同第二條女一齊，唔好大驚小怪，因為佢都係做嘢嘅啫！」句句有骨寸到爆！

言談間，當然少不了Jinny寸爆老公Alex，仲有晒截圖有埋粗口，好嬲咁講：「好XSweet呀，仲可以同人一齊搭地鐵返工！」老公Alex解釋只是要對方簽MPF，Jinny再說：「真係好大嘅原因呀，叫佢簽MPF，就要車人返工，又要陪人搭地鐵，好XSweet呀，你唔好俾人影X到呀！」Alex見狀即反駁表示：「其實我真係已經好多嘢煩，我唔明點解我咁樣我都要比人鬧，我唔同你講鬧我都正常，我真係做嘢，我之前幾年做垃圾做唔到嘢又鬧，我依家做正經嘢都鬧！」

圖片來源：吳若希IG

句句有骨! 吳若希又爆Seed！疑不滿老公接送女員工