吳若希與丁噹一拍即合成靈魂伴侶 姊妹裝合唱新作開飯口味一致

吳若希Jinny過往唱紅唔少慘情歌，首首都大受歡迎，不過今次佢就遇到另一位高手，就係同樣唱苦情歌都好勝任嘅丁噹。兩人合唱Jinny新歌《談戀愛》，佢哋初次見面已一見如故，互相都話有種認識咗好耐嘅感覺。丁噹好開心被靈魂召喚一齊合唱，Jinny笑指好似識咗丁噹幾世一樣，喺佢心目中有好重要地位，今次終於見到對方，突然就喚起前幾世回憶，真係好愛丁噹咁話。

丁噹同吳若希合唱新歌《談戀愛》。
喺MV中Jinny同丁噹演一對好閨蜜，連個look都有啲似樣，加上佢地互動時非常自然，真係好似多年老友咁，而且默契十足，Jinny話佢哋兩人都係唱開劇集歌曲，合作起嚟會產生化學作用，結果錄音後身邊所有同事、朋友都覺得兩人把聲好相似，好Match，以Soulmate(靈魂伴侶)嚟形容關係，簡直天生一對，就連當日拍攝點嘅飯盒都一樣，真係好恐怖呀﹗

吳若希

丁噹
歌曲改編自丁噹嘅國語歌，今次要唱廣東話，此終有啲難度，不過Jinny就大讚丁噹好有語言天份，仲即場示範廣東話場面搞笑。

吳若希話同丁噹好似認識咗幾世咁。