文凱玲宣布BB性別 預告B女將於七月底卸貨

文凱玲Connie 4月中宣佈有喜，呢日佢就同老公Jason一齊宣佈BB性別，仲預告B女將會喺7月底就出世同大家見面呀！
Connie同老公宣布陀B女。
對於可以懷上BB，Connie坦言覺得好幸運：「畢竟喺醫生眼中已經係超高齡產婦，產檢嘅時候唔同嘅醫生同護士知道係自然懷孕都會話好難得。」唔少準媽媽都會為咗肚中BB戒口，但係Connie話自己就冇特別戒口，亦冇咩禁忌，陀住8個月BB嘅佢，仲話因為自己陀B後一直都好忙，忙完工作又要忙籌備婚禮同搬屋，所以有時忙到唔記得自己係大肚婆，搞到身邊嘅人勁擔心，成日要提佢唔好行咁快。
Connie而家懷孕8個月。
講起肚入面嘅BB，Connie話BB係肚入面成日都好似游緊水咁，佢仲搞笑咁話早前BB係游自由式，而最近就變成游蝶式，Connie表示：「而家隔住個肚都見到佢郁緊。每次BB郁，我都會同佢傾吓偈，老公亦都好鍾意摸住個肚，BB一郁佢就會笑得好開心。」

Connie話BB每日喺肚入面好似游緊水咁。