《福祿壽訓練學院》嚟梗6月9號播出一集,三位Professor再度復刻經典角色反串演出,睇到嚟擔任評判嘅視后江美儀同火火笑唔停。至於賽事需要繼續進行淘汰,各位參賽者都更加投入應戰,其中陶大衛就化上精緻妝容扮港姐,佢話由頭到腳毛都要做足功夫,只係眼妝都化咗兩個鐘,但原來佢呢次扮港姐,全靠Professor建議。
扮演堪輿學家蘇師傅嘅周百恩唔只造型似,連聲線都似,但原來呢次表演係遇上波折,因為表演前兩日話首歌唔用得,臨時要改新表演內容,好彩有朋友喺兩日內幫手填詞先至順利演出。
作為評判嘅美儀姐同火火都大讚學員表現有驚喜,火火起初以為大家只係扮嘢,但睇完就覺得大家係做咗成個騷出嚟,當中有內容同創意。美儀姐好欣賞參賽者好珍惜喺台上嘅每一秒鐘,因為停咗機之後,仍然見到佢哋投入喺個扮嘢角色當中。
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)