林峯愛用手機捕捉囡囡生活點滴 驚嘆城城個唱爆肌演出

林峯 現身一個手機代言活動，自從做爸爸後，阿峯都習慣用手機紀錄日常生活，而影相對象亦由食物變晒做太太同囡囡，為咗紀錄囡囡成長過程，阿峯話太太都好鐘意捕捉囡囡嘅生活點滴，再剪輯成片，留作一個美好回憶。

阿峯指平時成日都以手機影低囡囡嘅成長片段
早前阿峯同堂妹林夏薇、老友吳卓羲結伴睇城城演唱會，阿峯都驚嘆城城一身嘅肌肉，身材真係keep得好fit，阿峯都話希望自己都可以咁有毅力，阿峯話自己比較懶，只係會為角色或演唱會去積極健身，阿峯亦透露稍後會推出新歌，希望帶比歌迷驚喜。

日前佢仲約埋老友阿Ron仲有阿妹林夏薇一齊睇城城演出