林明禎升呢做二姑奶 見細佬娶老婆開心落淚

邊個搞到林明禎又喊又笑？原來呢日係佢個細佬大寶娶老婆呀！一向係寵弟狂嘅明禎，當細佬同老婆文馨斟茶畀佢飲嘅時候，明禎就已經忍唔住落淚，仲喊到爭啲連祝賀說話都講唔清楚呀！
林明禎細佬呢日娶老婆。
明禎將呢日大寶結婚嘅Snapshot上載到社交平台，除咗自己嘅飲茶片外，仲有明禎媽飲新抱茶嘅片、一對新人步修會場嘅片、新人喺火花下互吻嘅片、大寶同文馨互餵甜湯嘅片等等，而喺大寶同文馨互餵甜湯時，拍片嘅明禎唔只發出土撥鼠叫，仲不停大嗌好甜蜜，真係隔住個mon都feel到明禎有幾戥細佬開心呀！
明禎飲茶時開心到喊。明禎喊到祝福說話都講唔清楚。
明禎喺帖文上表示：「人生能有多少次喜極而泣呢。大寶弟好幸運💕文馨謝謝妳願意嫁給大寶弟 成為我們一輩子的家人 以後有我們罩著妳❤️愛妳❤️疼妳❤️從小抱在懷裡把屎把尿的大寶弟 真的長大了❤️」
明禎媽飲新抱茶時都勁開心。明禎向來疼錫細佬。