關智斌做嘉賓過百fans到場支持 感受偶像派應援待遇：我嗰個年代冇呢啲嘢

關智斌（Kenny）日前為婚紗展擔任表演嘉賓並唱出《總有一站愛上你》及《勇氣情歌》兩首歌，獲過百名fans到場支持。

關智斌日前為婚紗展擔任表演嘉賓，獲過百名fans到場支持。

Kenny剛喺內地完成6站巡迴演唱會，好耐冇喺香港演出，呢次見到咁多fans嚟支持，指幸好fans仲記得佢，Kenny見到啲fans抱住自己仔女過嚟，頓時覺得有啲時間飛逝嘅感覺；Kenny唱《勇氣情歌》時突然忘記歌詞，台下fans立即「補位」大聲叫唱，Kenny立即叫停並決定重唱：「其實首歌喺巡演時每一場都有唱，突然間back out咗，為咗回饋現場fans嘅支持，一定要重新好好地唱一次畀大家聽。」

Kenny好耐冇喺香港演出，呢次見到咁多fans嚟支持，佢指幸好fans仲記得自己。

fans悉心準備好多應援物，令Kenny十分窩心，Kenny坦言以前好少見到，譬如有時返屋企睇到佢哋送嘅禮物係好有心機，譬如畫一啲畫，又整咗好多精品公仔，Kenny讚真心覺得fans好犀利，笑指以前冇乜好多呢啲應援嘢，而家搞巡演嗰陣，fans又會安排好多嘢食、又有餐車，Kenny感受到而家啲偶像派歌手嘅待遇，好多謝fans令佢感受到自己未同呢個時代脫節。
Kenny感受到而家啲偶像派歌手嘅待遇，好多謝fans令佢感受到自己未同呢個時代脫節。