刑偵12丨劇組佛山舉行開鏡儀式 林保怡爆同陳自瑤激情演出

萬眾期待嘅劇集《刑偵12》喺佛山舉行開鏡儀式，林保怡、陳法蓉、陳自瑤、張振朗、戴祖儀、傅嘉莉、曹永廉同張松枝等一眾演員出席，Bowie相隔13年再回巢拍劇，佢好風騷自爆喺劇中同Yoyo有激情戲份，仲加上同Monica之間有三角關係，不過箇中關係非常複雜。

跟演技非凡嘅Bowie合作，Yoyo自認事前有壓力，當大家話會喺旁邊觀眾Bowie演戲，但佢就係單刀直入問對方點睇劇本。Bowie話雖然相隔咁耐，但一入到劇組就成個感覺回來，身邊嘅Monica都認同，自從兩年前收到劇本初稿，Bowie就覺得好有追看性。

振朗今次挑戰人格分裂角色，佢話要同另一個自己不時互換性格。Joey形容自己係一位青春而唔可人嘅大學生。Kelly演心理學助理教授，事前都惡補心理學知識，但佢話最難係第一場戲就同Bowie做對手，感覺係一嚟打大佬，而曹永廉多年後再度同Bowie合作，佢話一直視對方為偶像。