歐倩怡離婚後大方認玩交友App識異性 感情持開放態度：讀太多書勁得濟係嚇親人

歐倩怡（Cindy）與郭晉安今年5月初宣布正式結束近18年婚姻，指二人早喺兩年前分居，歐倩怡離婚後首現身，接受蝦頭及連詩雅嘅網台節目訪問，三個女人坐埋有講唔完嘅話題，歐倩怡回想昔日湊小朋友嘅點滴，以及分享個人愛情觀，自爆有玩交友App，積極展開新人生。
歐倩怡離婚後首現身，接受蝦頭及連詩雅嘅網台節目訪問，三個女人坐埋有講唔完嘅話題。

歐倩怡回想最辛苦係大仔郭令山上小學、阿女郭以雅仍讀緊幼稚園，要來回九龍西貢一日8次，而歐倩怡相夫教子嗰陣繼續努力進修，讀「食物及營養學榮譽理學士」一級榮譽畢業，成為營養師重投職場，佢希望可以再考瑜伽導師牌。

歐倩怡相夫教子嗰陣繼續努力進修，成為營養師重投職場。

歐倩怡喺節目未有提及離婚，只係透露自己對感情事持開放態度，有啲人係七老八十先遇到真愛喺一齊，佢認為緣份係擋唔住，人生就係離離合合。歐倩怡自爆有玩交友App，分享自己識咗6個男士，大家有約見面，其中1人卻連續爽約兩次，歐倩怡更有感而發，指女人真係唔好讀太多書，「真係有啲男士係會驚你…勁得濟係嚇親人，所以盡量簡單啲」，又指鍾意運動嘅女人係多啲人like，歐倩怡坦言交友App認識6位男士見面，其中一人爽約令佢嬲到即時封鎖對方。

歐倩怡喺節目未有提及離婚，只係透露自己對感情事持開放態度。

歐倩怡笑指交友App超靚仔大多數係伏，反而佢約啲樣貌較平凡，暫時大家都繼續做朋友，歐倩怡直言有啲人係一出嚟係扮唔認得佢，跟住就搵鏡頭以為係偷拍，歐倩怡指約見面己純粹實驗性質，因為自己16歲開始入娛樂圈，直至近年先開始接觸呢個社會，好想睇吓呢個世界，了解唔同行業嘅人做緊乜。
歐倩怡與郭晉安今年5月初宣布正式結束近18年婚姻，指二人早喺兩年前分居。