李泇霖首支派台歌唱盼女性拒受嘲諷影響 預告將推新作籲勿乞求「真愛」

兩屆《中年好聲音》歌手頻頻有活動，陸續推出自己個人單曲；加上第三季又開始接受報名，成為城中熱話。

泇霖嘅願望係今年內完成一個全方位音樂企劃。

「中一生」李泇霖Jenny今年三月正式進軍樂壇，首支派台歌《梅特林克的青鳥》反應不俗，除咗登上電子傳媒歌曲流行榜，更舉行過兩場新歌發佈會。不過泇霖出歌並唔係為「過吓癮」或「試試水溫」，而係「嚟真」！佢已完成第二首派台歌嘅錄音。
 
肥美人Jenny李泇霖參加《中年好聲音》憑信心戰勝身形缺點。

泇霖嘅願望係今年內完成一個全方位音樂企劃：「透過一系列原創新歌，唱出女性身處現今世代嘅恐懼、憂慮、挑戰、希冀同盼望，帶出鼓舞同力量！」音樂企劃第一炮《梅特林克的青鳥》中，泇霖以自身經歷勉勵大家跳出成長陰影，唔好受不公平說話、嘴臉以及嘲諷影響，要好好過自己人生，活出真我、堅守夢想！泇霖透露，即將推出嘅第二首歌會以愛情為主題，題材好「爆」！
 
李泇霖Jenny今年三月正式進軍樂壇，首支派台歌《梅特林克的青鳥》反應不俗。

泇霖亦分享自己睇法：「真愛係雙方面嘅，然而一個願打一個願捱、對人歡笑背人愁、為所愛嘅人無了期委屈自己去乞求真愛……呢種故事屢見不鮮！係時候令自己跳出牛角尖，尋找『愛』嘅真正意義！容許我劇透到這裡，想知道故事的全部，記住聽我的新歌！」
 
泇霖希望新歌有煥然一新嘅感覺。目前歌曲正進行後期製作，希望下月可以面世。

而新歌屬於抒情慢歌，與《梅特林克的青鳥》嘅流行搖滾風格截然不同，而且相當容易上口，泇霖希望大家有煥然一新嘅感覺。目前歌曲正進行後期製作，希望下月可以面世。