《城寨》父子獲表揚丨林峯「脫胎換骨」獲頒實力演員獎 郭富城獲頒優秀演員獎

《微博電影之夜》頒獎禮日前舉行表揚一眾華語電影人，除咗內地影星章子怡、王一博、馮紹峰等盛裝赴會，唔少香港影星好似吳鎮宇、張家輝、惠英紅、文詠珊等有現身。

今年林峯喺《九龍城寨之圍城》飾演陳洛軍，被喻為脫胎換骨之作，演技更被內地頒獎禮認同。

今年林峯喺《九龍城寨之圍城》飾演陳洛軍，被喻為脫胎換骨之作，演技更被內地頒獎禮認同，獲頒年度實力演員，與張鈞甯、 王傳君以及高葉共同得獎，大會特別安排電影《城寨》嘅「爸爸」郭富城頒獎予林峯，城城指雖然戲中兩人冇對手戲，但係佢讚林峯演得出嗰種冇根嘅感覺，又能文能武！

大會特別安排電影《城寨》嘅「爸爸」郭富城頒獎予林峯。

林峯感動地發表謝詞：「感謝大會和郭富城老師頒獎，演員是被動，希望能再有機會和更多的電影人交流和學習，我會繼續努力， 希望中國電影能讓全世界觀眾朋友們看到，還有期待。」

城城讚林峯喺《九龍城寨之圍城》演得出嗰種冇根嘅感覺，又能文能武！

城城憑喜劇《臨時劫案》獲頒年度優秀演員，謙虛地表示唔知道自己可以變多久，但作為演員，佢會繼續去變，希望大家鍾意佢嘅變同突破，城城亦按大會要求，即場教同時獲獎嘅內地女星蔣勤勤，演繹戲中悍匪梅藍天口頭禪對白「Sorry」同「講多謝」，蔣勤勤即學即曉惹全場爆笑。

城城亦按大會要求，即場教同時獲獎嘅內地女星蔣勤勤，演繹戲中悍匪梅藍天口頭禪對白。

此外，章子怡獲頒最高榮譽嘅影響力電影人大獎，適逢今年係子怡出道25周年，大會特別安排舞蹈員重現多年來子怡嘅經典電影作品，令子怡相當感動。
章子怡獲頒最高榮譽嘅影響力電影人大獎。