劉小慧相隔27年再登舞台孖好友開騷 許秋怡20歲學霸兒子激罕現身

劉小慧、許秋怡同李國祥即將喺內地舉行演唱會，呢日舉行宣傳活動時，佢哋嘅屋企人有嚟支持，秋怡20歲嘅學霸阿仔Cody激罕現身，高大有型非常搶fo，秋怡喺澳洲留學嘅阿仔專登返港過父親節，佢已有半年冇見過阿仔。

今次開騷三位會主打演出90年代嘅經典歌，將佢哋30幾年嘅友共情帶上舞台。而小慧相隔27年再登舞台唱歌，小慧自爆係發台瘟體質。回憶起30幾年前一齊出道樂壇嘅歲月，三位現時仍好深刻，因為佢哋都有一個共通點，就係窮到燶，新人時期收入唔多，但係依然好快樂，收工會「圍爐」傾偈，許秋怡更搞爛Gag：「我哋燶唔緊要，最緊要唔係Lonely!」