福祿壽訓練學院丨學員爭入最後10強 吳兆麟爆肌扮李小龍 Gordon成身毛耍金剛棒

星期日晚播出嘅《福祿壽訓練學院》最後十強學員會正式誕生，喺之前兩集嘅一對一生死對決後，仲有幾位學員未出場表演，相信佢哋特別緊張，特別係TEAM FUK呢組喺阮兆祥帶領下，只淨趙頌宜（Maggie）尚未入決賽。

Maggie將化身蔡琴登場，雖然有啲壓力，但係Maggie超水準表現，仲識落台搞氣氛，向台下評判派心心，表現出蔡琴姐姐嘅從容。

對手葉泓聲（Gordon）就化身孫悟空版張衞健，除咗造型夠晒氣場，佢仲耍埋金剛棒，不停耍棍花，令現身觀眾睇到嘩嘩聲，為咗扮出張衞健嘅神髓，Gordon狂loop《西遊記》片段，學習凌厲眼神好凌厲，而思捷仲教路指張衞健係一個好有自信嘅人，最重要做到個台係自己嘅呢種感覺。

吳兆麟（ Alan）再次出動佢嘅爆肌身形化身李小龍，扮傳奇人物事前佢有啲緊張，為咗展現佢嘅武功底子，Alan即場耍雙截棍，亦重現李小龍喺《精武門》飛踢牌匾一幕。